Македонија
Заев: Зголемувањето на споровите решени со медијација ќе ја подобри сликата на Македонија пред ЕУ
Премиерот Зоран Заев синоќа имаше средба со делегација на Комората на медијатори на РМ (КМРМ), претставувана од Славе Младеновски, претседател на Комората, и членовите Роза Алексова и Дејан Белевски.
„Изразувајќи благодарност за средбата, како и за политиките на Владата кои носат поддршка, од КМРМ истакнаа дека вклучувањето на медијацијата во Стратегијата за реформа на правосудниот систем е од исклучително значење и непосредна придобивка за граѓаните. Задоволни од досегашната соработка со Владата, особено за можноста што им е дадена како учесници во работната група на Владата да контрибуираат во измени на законската легислатива од областа на медијацијата и за другите релевантни прашања од оваа област, членовите на делегацијата на Комората на медијаторите нагласија дека се надеваат на понатамошна соработка и помош од Владата во насока на донесување и преземање одредени нормативни, логистички и оперативни решенија за промовирање и развој на медијацијата во земјата“, соопштија од Владата.
Заев потенцирал дека од приближувањето на медијацијата до граѓаните, посебно до вработените во јавната администрација, се очекува поголема придобивка за целото општество, пред сè во смисла на обезбедување економичност, ефикасност и брзина во решавање на спорни ситуации, и заштеда во буџетите на граѓаните и на државата.
„Развојот на медијацијата ќе ја подобри и сликата на РМ во европскиот извештај за напредок во областа на алтернативното решавање на споровите“, додал премиерот Заев на средбата со делегацијата на Комората на медијатори на РМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.