Свет
Меркел и Макрон толку добро се согласуваат што 101-годишна жена мислеше дека се пар
Германската канцеларка, Ангела Меркел, и францускиот претседател, Емануел Макрон, толку добро се согласуваа во Париз што една 101-годишна жена помисли дека се брачен пар.
Настанот се случи за време на комеморацијата од Првата светска војна, што се одржа викендов во Париз. Една 100-годишна жена најпрвин се поздрави со Макрон, а потоа во возбуда се сврте кон германската канцеларка Ангела Меркел ословувајќи ја како госпоѓа Макрон.
Video of Merkel explaining to a 101 year old Frenchwoman that she is not Macron's wife but the chancellor of Germany https://t.co/7UDjnZDykn via @franceinfo
— Mathieu von Rohr (@mathieuvonrohr) November 11, 2018
„Г. Макрон, тоа не е можно, мала жена како мене да се ракува со претседателот на Републиката. Тоа е фантастично“, му рече 101-годишната жена на Макрон. Возбудена жена потоа се сврте кон Меркел, веројатно најмоќната жена во светот.
„Вие сте мадам Макрон“, ѝ рече таа на 64-годишната Меркел мислејќи дека станува збор за сопругата на Макрон, Брижит Макрон, која е на слична возраст со Меркел, односно има 65 години.
На тоа Меркел, со германски акцент, неколкупати повтори на француски јазик: „Јас сум германскиот канцелар“.
„Тоа е фантастично“, ѝ одговори 100-годишната дама.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.