Свет
Нигериски азилант обвинет за обид за силување во Италија се соочува со депортација
Деветнаесетгодишен Нигериец е обвинет за сексуално насилство и за спротивставување при апсење кога се обидел да ја силува директорката на центарот за сместување во кој престојувал во северна Италија, пренесува „Брејтбарт“.
Нигериецот се обидел да ја силува директорката на центарот во Бресаноне, Италија, минатиот петок, но бил прекинат од карабинерите, кои реагирале на повик од центарот. Азилантот, наводно, му се спротивставил на апсењето, но на крајот бил совладан и сега е во затвор во очекување на одлуката на судиите.
Ако биде прогласен за виновен, ќе се примени новата безбедносна уредба според која ќе биде спроведена итна процена на барањето за азил на престапникот и веројатно до негово протерување од земјата. Италијанскиот министер за внатрешни работи, Матео Салвини, ја искористи оваа можност за да ја истакне важноста на новиот декрет што го носи неговото име.
„Сега, благодарение на уредбата на Салвини, протерувањето е мерка предвидена за случаите како овој“,изјави тој во неделата.
Во саботата неколку илјади демонстранти, многу од нив мигранти, маршираа низ Рим во знак на протест поради одлуката на Салвини обвинувајќи ја популистичката италијанска влада за расизам. Демонстрантите носеа и знамиња и транспаренти со кои се повикуваше на прифаќање на сите мигранти што пристигнуваат на италијанските брегови истовремено осудувајќи ја владата за нејзините расистички мерки.
Претставниците на невладините организации и на социјалните центри маршираа заедно со мигрантит, повторувајќи ја својата порака дека нема помогнат во протерувањата и иселувањата на мигрантите.
„Маршираме против неконтролираниот расизам, фашистичката закана, насилството врз жените, хомофобијата и против секоја дискриминација“, рекоа организаторите за локалните медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фицо погоден со два куршуми, едниот му поминал низ стомакот, Словаците шокирани: „Немаме зборови“
Словачкиот премиер Роберт Фицо беше застрелан вчера по состанокот на владата, на околу 150 километри североисточно од Братислава. Атентатот се случил кога Фицо отишол меѓу насобраниот народ. Премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница.
Според последните информации на словачките медиуми, Фицо бил опериран и буден, а операцијата траела пет часа. Напаѓачот е уапсен на лице место и се вели дека е 71-годишниот Јурај Цинтула, словачки писател. Атентаторот на распит рече дека пукал во премиерот затоа што не се согласувал со политиката на владата.
Цинтула е основач на Литературниот клуб Духа и член на Друштвото на словачки писатели. „Скај њуз“ пишува дека се верува дека атентаторот е поранешен чувар.
Додека Словаците утрово патуваа на работа, многумина сè уште се обидуваа да се справат со веста за атентатот. „Немам зборови за ова. Ова никогаш не требаше да се случи во 21 век, без разлика за кого гласате“, рече Марија Сабо, сопственичка на продавница во главниот град Братислава.
„Нашата земја оди во погрешна насока“, додаде таа.
Вицепремиерот Томаш Тараба потврди за Би-Би-Си дека животот на Фицо повеќе не е во опасност.
Тој рече дека едниот куршум поминал низ стомакот, а другиот го погодил во зглобот.
Министерот за одбрана Роберт Калинак на прес-конференција најави дека во текот на денот ќе даде повеќе информации за состојбата на премиерот Роберт Фицо. Оди во Братислава на седницата на владиниот совет за безбедност, која почнува во 11 часот.
Регион
Пленковиќ: Бебе Лазања добива 50.000 евра од Хрватска
Бејби лазања ќе добие 50.000 евра од Хрватска за одличниот пласман на Евровизија 2024 година.
Оваа вест ја соопшти техничкиот премиер Андреј Пленковиќ.
„Искрени честитки до Марко Пуришиќ, чие уметничко име е Бејби Лазања, за неговиот фасцинантен успех на Евровизија, каде освои најголем број гласови од публиката, а се најде на второто место во целина. Ова е најголемиот успех на независна Хрватска од настапот на групата Рива“, рече Пленковиќ на 306. седница на Владата и додаде:
„Му благодариме на Загреб за прекрасниот пречек и на Умаг, тие беа навистина прекрасни слики од успехот на еден млад човек и навистина му посакуваме многу, многу успех во неговата понатамошна работа.
Свет
Два медицински тима го оперирале словачкиот премиер пет часа: Фицо е во стабилна, но сѐ уште тешка состојба
Лекарите во текот на ноќта успеале да ја стабилизираат состојбата на словачкиот премиер Роберт Фицо по вчерашниот атентат во градот Хандлови, но тој сѐ уште е во тешка состојба, соопшти денеска директорката на болницата во Банска Бистрица, Миријам Лапуникова.
Фицо бил хоспитализиран, а два медицински тима го оперирале словачкиот премиер пет часа.
„Во моментот се преземаат дополнителни активности за подобрување на неговата состојба“, изјави словачкиот министер за одбрана, Роберт Калињак.
Осомничениот е уапсен на местото на престрелката.
Министерот за внатрешни работи, Матус Сутај Естока, го опиша како политички мотивиран обид за атентат.