Регион
Српски медиуми: Русија ѝ врти грб на Србија за прашањето за членството на Косово во Интерпол
Во Дубаи денеска се одржува дебата за приемот на Косово во Интерпол по што треба да има гласање.
Министерот за внатрешни работи на Србија, Небојша Стефановиќ, кој е на чело на српската делегација на Генералното собрание на Интерпол, остро реагира поради кршење на Резолуцијата 1244, меѓународното право и процедурите на Интерпол.
Како што пренесуваат српските медиуми, делегатите се јавуваат за зборот и ја објаснуваат нивната одлука. Србија не го поддржува членстовото на Косово во Интерпол, а според тамошните медиуми во корист на Србија за збор се јавиле Шпанија, Мароко, Кипар, Кина, Белорусија, Русија, Намибија, Венецуела, Суринам, Романија.
Гласањето за Косово биде ставено на дневен ред е овозможено кога претседателот на Интерпол го отфрли барањето на Србија и петте земји членки собранието да го отстрани од агендата на гласање членството на Косово.
Тогаш Србија во ваквите барања ја поддржаа Кина, Шпанија, Кипар, Аргентина и Суринам, а, како што пишуваат српските медиуми, нашите традиционални пријатели, Русите, не се противат на барањето на Косово.
Српската делегација, по сè што се случи во последните неколку денови и недели, предупредува дека сè укажува на фактот дека Косово, преку ред и правила, ќе се најде меѓу членовите на Интерпол.
Вицепремиерот и министер за внатрешни работи, Небојша Стефановиќ, претходно изјави дека постојат индиции да се збунат државите за тоа како да се гласа.
Досега, Косово аплицира за членство во Интерпол трипати, односно во 2010, 2015 и во 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.