Македонија
Општина Центар, партнер-општина на Европската платформа за намалување на ризици од катастрофи
Од 21 до 23 ноември во Рим, Италија, се оддржа Европскиот форум за намалување на ризици од катастрофи кој е во организација на Владата на Италија и Канцеларијата за намалување на ризици од катастрофи на Обединетите нации во партнерство со Европската комисија и Советот на Европа.
Форумот служи како интегрирана платформа за заинтересираните страни во Европа, којашто на едно место ги собира заедно министрите, меѓувладините организации, парламентарците во Европската Унија, лидери на влади, научни и академски институции, приватни бизниси, невладини организации и општини, соопштија од Општина Центар по завршувањето на форумот.
Тие се поттикнати од климатските промени, катастрофите предизвикани од природни катастрофи како главен предизвик во заштитата на развојот што го постигнале нашите нации и заедници, стои во соопштението и се додава дека од ваква гледна точка, оваа година форумот ќе се организира на тема „Осигурување на просперитетот на Европа – Намалување на ризиците од катастрофи“.
На Европскиот форум во Рим градоначалникот на општина Центар, Саша Богдановиќ, ја потпиша декларацијата на UNISDR, со што се заложи општината да развие оддржливост на животната средина, ублажување на климатските промени, како и намалување на загаденоста, соопштија од Општина Центар.
Со потпишувањето на декларацијата, општината се обврза да ги споделува целите и задачите на UNISDR и официјално се приклучи во светската кампања и во Европската платформа како „партнер-општина”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје
Во официјална посета на Република Северна Македонија ќе присуствува Претседателката на Парламентот на Р. Албанија, г-ѓа Елиса Спиропали.
Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на Град Скопје.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.
Македонија
Герасимовски: Поставивме 720 фотоволтаични панели на покривот на ООУ „Киро Глигоров“
Основното училиште „Киро Глигоров“ е вториот објект во Општина Центар кој доби фотоволтаични панели на покривот. На кровната површина се поставени 720 панели со максимална инсталирана моќност од 396,00 Kw (киловати) за производство на електрична енергија. Нивниот приклучок се очекува наскоро, а градоначалникот на Општина Центар Горан Герасимовски информира дека целиот процес за набавка и инсталирање на фотоволтаичната централа е од општинскиот буџет и е во висина од 7.3 милиони денари.
„Според истражувањата на пазарот, за реализирање на оваа инвестиција од општинскиот буџет првично планиравме 18 милиони денари, ама на Јавната аукција цената се симна на 7.3 милиони денари. Со поставувањето на оваа фотоволтаична централа ние очекуваме значително да се намалат вкупните трошоци за електрична енергија, што нам како локална самоуправа ќе ни овозможи да вложиме повеќе средства во одржување на високиот квалитет на услугите за образование на децата, потенцира Герасимовски.
Минатата година Општина Центар по само неколку месеци од основањето на трговското друштво за производство и продажба на „Енергија Центар“ ја постави првата фотоволтаична централа на кровот на градинката „Пепелашка“.
Македонија
Муцунски во Њујорк: Злото од војна и конфликти мора да остане во минатото
На маргините на 79-то Генерално собрание на Генерално собрание на Обединетите нации во Њујорк, министерот за надворешни работи и надворешна трговија, Тимчо Муцунски се обрати на Самитот на иднината на Интерактивниот дијалог на тема: „Зајакнување на мултилатерализмот за меѓународниот мир и безбедност“.
Во своето обраќање, министeрот Муцунски нагласи дека во денешно време се соочуваме со многу закани, вклучувајќи нови конфликти, тероризам, насилен екстремизам, ризици од нови технологии, кршење на човековите права и климатски промени. Тој истакна дека ниту една земја сама не може да се справи со овие предизвици и дека е неопходен ефикасен мултилатерализам за обезбедување на меѓународниот мир и безбедност.
„Самитот на иднината претставува можност за зајакнување на глобалното владеење и одговор на актуелните и идните предизвици. Пактот ни нуди траекторија за глобални акции и отвора пат за засилување на мултилатерализмот“, истакна министерот Муцунски во обраќањето.
Воедно, тој нагласи дека иднината треба да биде предвидлива, просперитетна и без страв, нагласувајќи дека злото од војна и конфликти мора да остане во минатото.
„Денес имаме уникатна шанса да ја зајакнеме нашата мултилатерална агенда и глобалните системи, прилагодувајќи ги на предизвиците со кои се соочуваме во областа на меѓународниот мир и безбедност. Утре веќе е наша сегашност“, додаде тој, истакнувајќи ја подготвеноста активно да учествуваме во напорите за зајакнување на мултилатерализмот.
На крајот, Муцунски ја подвлече потребата за промовирање на мултилатерални решенија засновани на Повелбата на ОН, почитувањето на човековите права, владеењето на правото и демократијата, како клучни дипломатски алатки.