Забава
Скалила од Ајфеловата кула на аукција продадени за 169.000 евра
Дел од првобитните скалила на Ајфеловата кула во вторникот беше продаден на аукција во Париз за 169.000 евра, пренесе аукциската куќа „Арткјуриал“.
Продажната цена ги надмина очекувањата на аукциската куќа чија првична проценка се движеше меѓу 40 000 и 60 000 евра.
Станува збор за дел од скалите со висина од 4,3 метри, кој се состои од 25 скалила од ковано железо. Оваа конструкција припаѓа на спиралниот дел на скалите кои првично го поврзувале вториот и третиот кат на кулата висока 300 метри.
Железната кула ја изградил францускиот инженер Густав Ајфел. Со 300 метри таа е највисокиот објект во Париз, кој може да се пофали дека е присутен на речиси секоја разгледница испратена од градот на светлината. Големата железна структура била градена неколку години, а во јавноста била презентирана на 31 март 1889 година. Имала улога на влезен хол на светската изложба со која се одбележале сто години од Француската револуција.
Бројот на скалила од дното до врвот на кулата варирал низ историјата, па така на денот на отворањето таа имала 1710, а денес вкупниот број на скалила на Ајфеловата кула изнесува 1665.
Дел од скалите бил отстранет во 1983 година за да се инсталира лифтот. Дел од нив купиле музеи, дел е во Јапонија, еден дел исто така се наоѓа во непосредна близина на Статуата на слободата во Њујорк, а уште еден е лоциран во забавниот парк на Дизни во Флорида, веднаш покрај репликата на кулата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.