Свет
Италијанската полиција уапси Палестинец кој планирал хемиски напад
Италијанската полиција уапсила Палестинец, наводно поврзан со терористичката Исламска држава, кој планирал да го затруе водоводот на Сардинија. Полицајците уапсиле 38-годишен маж кој планирал хемиски напад во градот Макомер, пренесува„Ла Стампа“, цитирајќи извори од полицијата.
Според медиумите, тој имал намера да го затруе водоводот со отров за стаорци, но италијанските власти допрва треба да ги потврдат овие информации. „Ла Стампа“ објави дека осомничениот, кој има палестински пасош и соодветна работна дозвола, бил уличен продавач кој никогаш не изјавил дека е следбеник на џихадистичкото движење.
Заговорот случајно го открил неговиот сосед кој ја информирал полицијата и по значителен период на истрага, осомничениот бил уапсен пред да го изврши труењето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.