Свет
Асанж подготвува тужба против „Гардијан“ за лажната вест за состанок со Манафорт
Своевремено блиски соработници, „Гардијан” и „Викиликс”, сега се во кавга и разменуваат обвинувања и закани со тужби, пишува „Прес газет“.
Основачот на „Викиликс“, Џулијан Асанж, се закани дека ќе го тужи „Гардијан“ поради фабрикувана вест според која Асанж трипати се сретнал со тогашниот менаџер на кампањата на претседателот Доналд Трамп, Пол Манафорт, во амбасадата на Еквадор.
Во соопштение објавено во американските медиуми во понеделникот, Пол Манафорт му се придружи на „Викиликс“ и се закани со тужба против весникот.
„Оваа приказна е потполно лажна и намерно клеветничка. Никогаш не сум се сретнал со Џулијан Асанж или со некој поврзан со него. Никогаш не сум бил контактиран од никого поврзан со ‘Викиликс’, било директно или индиректно “, рече Манафорт.
Статијата на „Гардијан“ во вторникот тврдеше дека Манафорт го посетил Асанж во дипломатската мисија на Еквадор во 2013, 2015 и пролетта 2016 година кога Манафорт ѝ се приклучил на кампањата на Трамп. Според „Гардијан“, неколку месеци по последната посета на Манафорт, „Викиликс“ објави серија електронски пораки од Демократската партија наводно украдени од руски шпиони.
Во интервјуто за „Прес газет“, портпаролот на „Гардијан“ застана зад приказната тврдејќи дека таа е заснована на голем број извори.
„Овие наводи ги изложивме пред претставниците на Манафорт и на Асанж пред објавувањето. Ниту еден не одговори за да ги негира посетите што се случиле “, рече портпаролот.
Во твит, „Викиликс“ соопшти дека е подготвен да се обложи со „Гардијан“ во еден милион долари и во „главата“ на уредникот дека Манафорт никогаш не се сретнал со Асанж. „Викиликс“ почна со кампања за финансирање и веќе собра над 28.000 американски долари за да ги покрие правните трошоци.
Во САД, сенаторот Боб Менендез рече дека ако се точни наводите за состаноците, тоа ќе предизвика сериозни нови прашања за односот на Манафорт со „Викиликс“.
Манафорт во моментов е на издржување затворска казна откако се изјасни за виновен за заговор за измама на САД и за опструирање на правдата како дел од тековната истрага за наводното мешање на Русија во претседателските избори во САД во 2016 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Со возило удрил во куќа, па почнал да напаѓа луѓе со меч во Лондон, има повредени
Неколку лица, меѓу кои и двајца полицајци, се повредени во нападот што се случи во североисточен Лондон во близина на фреквентна станица на метрото.
Како што објави SkyNews, маж кој носел меч најпрво удрил со своето возило во куќа, а потоа со мечот ги повредил минувачите и полицајците кои се обиделе да го задржат.
Се се случило околу 7 часот утринава, а на терен се голем број полицајци.
Метро станицата Хаинолт веднаш била затворена, пренесува Телеграф.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Свет
Русија загуби стратешки важен остров
Украина во неделата објави дека ја вратила контролата врз тактички важниот остров Нестрих. Капетанот Дмитро Плетенчук, портпарол на Јужната оперативна команда на украинските вооружени сили, изјави за украинската радио станица Хромадске Радио дека контролата на островот во реката Днепар во регионот Херсон значително ќе ги зголеми контрадиверзантските мерки на Киев.
Откако рускиот претседател Владимир Путин започна инвазија на Украина во февруари 2022 година, неговите сили брзо зазедоа големи делови од Херсон. Сепак, Украина започна контраофанзива во регионот подоцна истата година во која нејзината армија го ослободи северен Херсон на десниот брег на Днепар. Оттогаш, украинските сили започнаа редовни напади преку реката, вклучително и воспоставување на повеќе мостови на источниот брег во есента 2023 година.
Плетенчук изјави за радио Хромадске дека островот Нестриха, кој се наоѓа на околу 20 километри југозападно од градот Херсон, има „тактичко значење“. Тој додаде дека „битни се сите локации кои го спречуваат непријателот да се приближи до позициите“.
„Со оглед на тоа што непријателот вообичаено користи слични локации (всушност има многу такви острови на реката Днепар) за да се доближи и да постави минофрлачи, тогаш ова е првенствено важно за квалитетот на антидиверзантските мерки“, рече Плетенчук. „Значи, да, ова место е исчистено од непријателско присуство.