Свет
Полицијата спречила 13-годишно девојче да стапи во брак
Израелската полиција спречила двајца малолетници да се венчаат во округот Меа Шеарим во Ерусалим, каде што живеат ултраортодоксни Евреи, пренесуваат израелските медиуми.
Полицијата притворила две жени и четворица малолетници од покривот на една зграда во тој кварт, каде било планирано да се одржи венчавка.
Во полициска станица била одведена и 13-годишната несудена невеста. Татко ѝ ја пријавил како исчезната уште пред два месеца.
Властите се сомневаат дека мајката ја криела својата ќерка до денот на венчавката. Мајката била испрашувана под сомневање дека прекршила законска забрана и направила низа други престапи, кои во полициското соопштение не се споменати.
Полицијата својот извештај го доставила до социјалните работници.
Не е соопштено ниту колку години имал малолетникот, кој требало да се ожени со девојчето, но некои израелски медиуми јавија дека станува збор за шеснаесетгодишник.
Според законите во Израел, стапување во брак е дозволено само за лица над 18 години.
Засега не е утврдено на која верска секта ѝ припаѓале организаторите на венчавката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.