Свет
„Анонимуси“: Доказите за руско мешање во референдумот за независност на Каталонија се лажни
Меѓународната хактивистичка група „Анонимуси“ објави во понеделникот нов пакет-документи од антирускиот проект UK Integrity Initiative повикувајќи на отворена истрага за активноста на проектот на паневропско ниво, пренесува „Спутник“.
„На почетокот на ноември објавивме голем дел од документите поврзани со проектот UK Integrity Initiative, од каде што ја потврдија нивната валидност, но не ги сметаат информациите за релевантни. Не добивме никаква реакција ни од лидерите на ЕУ и меѓународните организации иако луѓето во многу земји покажаа голема загриженост во врска со ова прашање“, се вели во соопштението.
Групата ќе продолжи да ја објавува документацијата на UK Integrity Initiative додека не бидат целосно исполнети барањата за отворена и темелна истрага за нејзината активност на паневропско ниво.
Објавените документи се поврзани со Германија, Грција и со Шпанија и вклучуваат лажен доказ за мешањето на Русија во референдумот за независност на Каталонија, споделуван меѓу шпанските политичари и медиуми, медиумски преглед на случајот со Скрипал и истражување на агентите со руско влијание во Грција, чија цел била да ги омаловажи лидерот на СИРИЗА, Иван Савидис, и други непожелни луѓе.
На 23 ноември „Анонимуси“ објави документи поврзани со проектот UK Integrity Initiative велејќи дека програмата, лансирана во 2015 година, е финансирана од владата на Обединетото Кралство. Хактивистичката група ја опиша програмата како голема информативна тајна служба создадена од Лондон за борба против руската пропаганда.
„Анонимуси“ исто така тврди дека UK Integrity Initiative вклучувала тајни структури за да им се меша во внатрешните работи на неколку европски земји, како што се Франција, Германија, Италија, Грција, Холандија, Литванија, Норвешка, Србија, Шпанија и Црна Гора.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.