Македонија
Адеми на средби со дијаспората во Романија
Министерот задолжен за дијаспората, Едмонд Адеми, во придружба на директорот на Агенцијата за иселеништво, Никола Шалваринов, од 7 до 10 декември 2018 година ќе реализираат официјална посета на Романија.
За време на посетата, делегацијата предводена од министерот Адеми ќе има средби со претставници на македонската дијаспора во Романија, при што ќе учествува во настанот Ден на македонскиот јазик во Романија, настан што ќе се одржи на 8.12.2018 година, и средби со Заедницата на Албанците во Романија, по потекло од Република Македонија.
Денот на македонскиот јазик во Романија е определен по декретот на претседателот на Романија, Клаус Вернер Иоханис, од 26 јули 2018 година за прогласување на Законот за основање на Денот на македонскиот јазик.
Покрај учеството на настани и средби со дијаспората, министерот Адеми ќе оствари билатерални средби и со министерката за Романците во странство, Наталија Елена Интотеро, и министерот за култура и национален идентитет, Валер Даниел Бреаз.
Во рамките на официјалната посета на Романија, за македонската делегација ќе се организира прием во парламентот на Романија и во тие рамки министерот Адеми ќе има средба и со пратеничката на македонската заедница во парламентот, Маријана Венера Попеску.
Министерот Адеми со соговорниците, меѓу другото, ќе разговараат и за други прашања од областа на културата во интерес на унапредувањето на положбата на нашите претставници на дијаспората и нивна инклузивност во економскиот, политичкиот, социјалниот и културниот живот во овие две пријателски земји.
Меѓу другото, ќе се разменат мислења и искуства на Македонија и Романија кон членството на НАТО и ЕУ и регионалната соработка и други прашања од поширок интерес, за време на шестмесечното претседавање на Романија со ЕУ од почетокот на јануари 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на патниот правец Битола – Демир Хисар
Во 19.35 часот сообраќајот на патниот правец Р1305 Битола – Демир Хисар е нормализиран, извести АМСМ.
Од 18:50 часот поради случена сообраќајна незгода, беше во прекин сообраќајот на Р1305 Битола – Демир Хисар, во двата правци.
Македонија
Поради несреќа, прекин на сообраќајот на патниот правец Битола – Демир Хисар
Од 18:50 часот поради случена сообраќајна незгода, во прекин е сообраќајот на Р1305 Битола – Демир Хисар, во двата правци, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Централниот одбор на ЛДП ќе ги разгледува настапот и резултатите на изборите
Либерално-демократската партија извести дека вечерва ќе се одржи седница на Централниот одбор.
„Како одговорна партија, ЛДП, веднаш по конечното завршување на парламентарните избори ќе го разгледува предлог извештајот за подготовките, настапот и резултатите на Либерално-демкратската партија за претседателските и за парламентарните избори 2024 година.
Анализата за натамошното дејствување ќе ја прават членовите и партиското раководство во сите општински организации во наредниот период.
За извештајот, анализата и сите одлуки, јавноста ќе биде навремено и транспарентно информирана“, соопшти партијата.