Забава
Почина легендарниот фризер што создаде илјада супермодели
Невозможно е да се зборува за модата без да се спомене легендарниот фризер Орибе, кој почина на 62-годишна возраст.
Во 1992 година тој направи вистински бум на модната ревија на „Шанел“, а исто така и следната година. Тој е роден во Куба во 1956 година како Орибе Каналес, и секој го познаваше како бунтовник кој сака да ги урива трендовите. Тој соработуваше со познати имиња како што се Стивен Мејсел, Ричард Аведон, Џани Версаче и Ани Лебовиц. Исто така, жените го обожаваа, меѓу кои и Наоми Кемпбел, Линда Евангелиста, Синди Крафорд и многу други.
Зад себе го остави легендарниот салон на Петтата авенија, кој го отвори во 1991 година. Неговите клиенти беа Ријана, Лејди Гага, Пенелопи Круз и многу други познати дами. Соработката со Џенифер Лопез беше пресвртна точка во неговата кариера, бидејќи од тој момент тој престана да биде обичен фризер и стана вистинска холивудска ѕвезда и големо име во светот на славните. Со Џенифер Лопез патуваше низ светот скоро една деценија.
На својот инстаграм-профил пејачката објави цела галерија фотографии со познатиот фризер и изрази благодарност за сиот труд што го вложил и рече дека тој е заслужен за тоа што е денес. Тие соработувале 10 години, а фризерот се појавува и во видеото за еден од нејзините најголеми хитови „Jenny from the block”.
Многу познати дами споделија свои фотографии со фризерот со зборови на благодарност и жалење што оставанале без член на семејството и голем пријател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Лејди Гага се појави на свадбата на нејзината сестра и ги подгреа гласините за бременост
Пејачката Лејди Гага се појави на свадбата на нејзината сестра Натали Германота и започнаа гласините дека е бремена, пишува „Дејли Мејл“.
Лејди Гага уживаше во свадбата на својата сестра со партнерот Мајкл Полански, а поради фотографиите до кои дојде „The Sun“, фановите претпоставуваат дека пејачката е бремена.
lady gaga at her sister’s wedding. pic.twitter.com/oh8gLlbozO
— pop culture (@gagasyuyi) June 3, 2024
Популарната музичарка е во врска со 46-годишниот претприемач Мајкл Полански повеќе од четири години, а големиот дијамантски прстен на нејзината рака навести дека Гага е свршена и подготвена да влезе во брачните води.
„Таа им кажува на своите пријатели дека сака да помине низ неколку проекти и потоа да се фокусира на смирување“, изјави извор претходно за „Entertainment Tonight“.
Во 2020 година, музичарката призна дека имала желба да стане мајка.
„Ќе кажам дека сум многу возбудена што имам деца. Со нетрпение очекувам да станам мајка. Зарем не е неверојатно што можеме да направиме? Можеме да имаме човек во нас и да го растеме. Потоа мораме да го одржиме во живот“, рече таа.
Забава
Илон Маск се соочува со бурни реакции поради ажурирањето на политиката за содржина на X за возрасни
Икс на Илон Маск, поранешен „Твитер“, ја ажурираше својата политика за да дозволи, како што ја нарекува, „консензуално произведена и дистрибуирана“ содржина за возрасни на платформата, потег што предизвика критики на социјалните мрежи дека ќе му наштети на корисничкото искуство, пишуваат американските медиуми.
На X платформата стои „ние веруваме дека корисниците треба да можат да создаваат, дистрибуираат и консумираат материјал поврзан со сексуални теми сè додека е консензуално произведен и дистрибуиран“.
„Веруваме во автономијата на возрасните да се вклучат и да создаваат содржини што ги одразуваат нивните сопствени верувања, желби и искуства, вклучително и оние поврзани со сексуалноста. Ја балансираме оваа слобода со ограничување на изложеноста на содржини за возрасни за децата или возрасни корисници кои одлучуваат да не ја гледаат та содржина“.
Овој потег предизвика некои критики за платформата, вклучително и за самиот X.
„Мразам да го кажам тоа, но тој некако ја уништи оваа платформа. Ја претвора во ‘само фанови’. Дури се нарекува и X“, објави Касандра Мекдоналд, мислејќи на Маск, на платформата.
„Само фанови“ е платформа базирана на претплата каде што корисниците можат да објавуваат содржини за возрасни што ги споделуваат со претплатниците.
Платформата истакна дека ќе ја ограничи содржината за возрасни со предупредување пред корисниците да можат да пристапат до неа. Тоа ќе бара оние кои објавуваат на платформата да ги променат своите поставки за да дозволат такви предупредувања.
Забава
(Видео) Адел се расправаше со лице од публиката поради Парадата: „Дали си глупав?“
Британската пејачка Адел јасно стави до знаење дека на нејзините концерти не се толерираат коментари со омраза.
Имено, за време на викендот добитничката на „Греми“ со вулгарност ѝ одговори на една личност од публиката, која, според видеото објавено на социјалните мрежи, за време на нејзиниот концерт извикувала погрдни зборови за Парадата.
„Извинете, дали дојдовте на мојот концерт само да кажете дека ‘Прајдот е с*ање’“, налутено праша Адел. „Дали си глупав? „Не биди толку смешен“, рече таа.
Публиката аплаудира и ја бодреше Адел, а таа продолжи: „Ако немаш ништо убаво да кажеш, замолчи. Добро?“.