Забава
На патот околу светот одлучи во секоја земја да спие со една жена сè додека не стигна до 90. држава
Mихаел Бернт имаше 23 години кога замина за Австралија. Дотогаш речиси никогаш на заминал подалеку од Кунерсдорф, населба од 400 жители во Дрезден (германска покраина Саксонија). Тој не зборуваше англиски и немаше многу пари, но тоа не беше важно по искуството што целосно ќе му го промени неговиот живот.
„Една вечер се запознав со бразилска девојка во хостел и одеднаш се најдовме во страсна прегратка. Си помислив: ‘Во твојот Кунерсдорф не можеш тукутака да се сретнеш со Бразилка’“, изјави Михаел за „Билд“.
Потоа тој направил план: 100 земји, 100 жени. Тој одлучи дека нема да замине од ниедна земја, без да ја помине ноќта со барем една нејзина државјанка.
Во Шпанија тој првпат присуствуваше на познатиот Фестивал на гаѓање со домати за да заврши во соба со две жени и еден маж, кој ги снимаше во љубовна игра.
„Случајно се најдов во улога на порноактер, а подоцна тоа навистина почнав да го работам“.
Тој се занимаваше со разни сезонски работи и како готвач во австрискиот хотел „Штанглвирт“ ги угости боксерот Владимир Кличко и германскиот фудбалски тим.
На патот до целта Михаел помина низ многу работи, во Мексико беше во затвор бидејќи имаше секс на плажа со страсна Мексиканка.
За време на патувањето низ светот тој се оженил двапати: еднаш за да добие виза за Австралија и уште еднаш во Лас Вегас, во пијана состојба.
Потоа се појави Лиза, која ја запозна во 90-тата земја. Меѓу нив се роди љубов, но Мајкл сепак сакаше да го исполни својот план. Имаше среќа бидејќи Лиза немаше ништо против да ја пополни листата.
Во меѓувреме тие добија две деца и оттогаш патуваат заедно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.