Црна хроника
Во Скопје за еден ден се случиле девет сообраќајни незгоди, од кои една железничка со загинати лица
Во текот на изминатиот ден во Скопје се случиле девет сообраќајни незгоди, од кои една железничка со загинати лица, две сообраќaјни незгоди со телесни повреди и шест со материјална штета, соопшти полицијата.
Во сообраќајните незгоди едно лице го загубило животот и четири лица добиле телесни повреди. Од преземените мерки и активности констатирано е дека 36 возачи управувале возило со брзина поголема од дозволената, велат од полицијата.
Од сообраќај се исклучени 13 возачи, од кои, како што соопштија од полицијата, еден затоа што управувал возило под дејство на алкохол, 10 возачи затоа што управувале возила, без да стекнат право за управување моторно возило и двајца затоа што биле возачи почетници. Исто така, исклучени од сообраќај се и 10 возила бидејќи биле нерегистрирани.
Санкционирани се четири возачи поради поминување крстосница на црвено светло, двајца поради неносење пропишана зимска опрема, 12 возачи поради неносење сигурносен појас и 20 возачи поради користење мобилен телефон при управување со возило.
Во текот на изминатиот ден издадени се 118 мандатни платни налози и 74 возила се подигнати со специјалното возило „пајак“, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.