Црна хроника
Украл монитори, компјутер, телевизор – стружанец ограбувал амбуланти
Полицијата поднесе кривична пријава против 34-годишно лице од Струга за сторени три кривични дела „тешка кражба“, кривично дело „тешка кражба во обид“ и кривично дело „кражба“.
Во периодот од 22 до 25 декември, на подрачје на Струга, во два деловни објекти, две амбуланти и куќа, пријавениот со употреба на физичка сила ги отворил влезните врати, влегол внатре и одзел парични средства, преносен компјутер, два монитора за компјутер, телевизор, алат и други предмети.
Полицијата соопшти дека пријавениот со кражбите предизвикал материјална штета од 114 000 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Ограбена банка во „Скопјанка“
„Денеска во 11.25 часот во СВР Скопје било пријавено дека во филијала на една банка на булеварот „Кузман Јосифовски Питу“ во Скопје, едно лице со закана со пиштол од вработените одзело пари“, соопшти МВР.
Се преземаат мерки за расчистување на случајот.
Црна хроника
Прегазена жена од Куманово, со тешки повреди пренесена во болница
Вчера, во 12.00 часот во СВР Куманово било пријавено дека на крстосницата од улицата „Пелинска“ и улицата „Ленинова“ во Куманово, патничко возило „фолксваген туран“ со бугарски национални ознаки, управувано од 42-годишниот И.В., удрило во пешакот, 75-годишната Р.М., двајцата од Куманово, извести МВР.
„Во несреќата со тешки телесни повреди се здобила Р.М. констатирани во Општа болница Куманово“, соопшти МВР.
Извршен бил увид од увидна екипа од СВР Куманово.
Црна хроника
Излажале дека се полицајци и измамиле жена за 100 илјади денари, двајца уапсени во Куманово
На 02.06.2024 во 20.00 часот, полициски службеници од СВР Куманово го лишиле од слобода И.Ф.(52) од Куманово, додека на 03.06.2024 на Граничен премин Табановце бил задржан С.Ш.(57) од Штип, извести МВР.
„Тие се сомничат дека на 01.06.2024 измамиле 79 – годишна жена од Куманово за сума од 100.000 денари. Тие ѝ се јавиле на телефон и претставувајќи се како вработени во полиција и ги побарале парите за да помогнат нејзината ќерка да не оди во затвор за наводна сообраќајна несреќа во која учествувала, а во која настрадало дете“, соопшти МВР.
Лицата биле приведени во полициска станица и по целосно документирање на случајот против нив ќе следуваат соодветни пријави.