Македонија
Ахмети за уставните измени: Опозицијата да се приклучи во процесот

Македонија се наоѓа на крај на заокружување на многу важен процес како што е тој за решавање на проблемот со уставното име што ја зајакнува стабилноста и гарантира мир за целиот регион, рече во неговиот предновогодишен говор претседателот на ДУИ, Али Ахмети.
Во ова прилика, Ахмети ја повика македонската и албанската опозиција да помогнат во овој процес, и истиот да не го користат за политички придобивки. ,,На 9 јануари започнува седницата за уставните измени и ги повикувам сите пратеници да го дадат нивниот придонес за затворање на проблемот со Грција”, рече Ахмети, кој во предновогодишниот говор најави дека за кратко ќе почне да се имплементира и законот за aлбанскиот јазик кој се изгласа во Собранието, но се уште не е објавен во Sлужбен весник.
Опозициската ВМРО-ДПМНЕ пред неколку дена извести дека се повлекува од завршната фаза на уставните измени во Собранието поради недостиг на иклузивниот процес. Од друга страна, грчката опозиција извести дека никогаш нема да го подржи протоколот за членство на Македонија во НАТО. Уставните измени се во фаза на предлагање амандамани на предлог-амандманите на Владата. Крајниот рок е 31 декември. Пленарната седница е закажана на 9 јануари, а Собранието очекува процесот да се заокружи на 15 јануари.
Лидерот на ДУИ зборуваше и за претседателските избори кои ќе се одржат на пролет следната година. Тој даде до знаење дека со коалицискиот партнер се на прав пат за да изнајдат име за претседател прифатлив за двете страни.
Ахмети дел на неговиот говор му ја посвети на потребата за решавање на проблемот помеѓу Косово и Србија и ги охрабри страните тоа да го направат што поскоро. ,,Единствената пречка за решавањето на овој проблем е Србија”, рече Ахмети, кој на крај им посака подобар живот на сите граѓани во годината што следи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.