Забава
(Видео) Посине небото сред ноќ над Њујорк: ,,Мислев дека дојде крај на светот”

Посине небото ноќеска над Њујорк, предизвикувајќи вознемиреност кај жителите ка Квинс. ,,Мислев дека дојде крајот на светот”, напиша еден жител на Квинс на „Фејсбук“. Според медиумите, станува збор за пожар на трансформатор во Квинс во Њујорк кој го осветлил небото во сина боја, предизвикувајќи вознемиреност кај жителите.
Um what is this? #queens #nyc pic.twitter.com/rt3yiOoyBz
— Tara A. Johnson (@tara_arianna) December 28, 2018
Делови на Квинс останаа без електрична енергија. Се истражува пожарот на трансформаторот, а поред информациите од полицијата, нема повредени лица. Според првичните информации, не станува збор за саботажа.
What is happening in queens?!!!! It’s humming and changing psychedelic colors… tons of sirens?!! pic.twitter.com/xkskHdzOxo
— Juju Chang (@JujuChangABC) December 28, 2018
Во меѓувреме жителите на Квинс излегоа на улиците, додека жителите на Њујорк оставија бројни коментари на социјалните мрежи, обидувајќи се да најдат одговор што ја предизвикало мистериозната светлина на небото.
People describe hearing a boom, feeling a vibration and seeing the sky turn green. Again —we are told it was a transformer explosion at a @ConEdison building in Astoria, Queens. I’m heading in that direction with my @CBSNewYork crew. Will update here. pic.twitter.com/gdGCjVWVfS
— Jessica Layton (@JLaytonTV) December 28, 2018
Некои се посомневаа дека станува збир можеби за вонземјани или, пак, за руски хакери. Сепак, надлежните смируваат со пораки на „Твитер“: ,,Нема докази за вонземјански активности”, порача полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Турист седна на столот „Ван Гог“ направен од кристали Сваровски и го скрши

Турист беше снимен на надзорна камера како седи на изложбен стол обложен со кристали наречен „Ван Гог“ во италијанска уметничка галерија, пред столот да се сруши под него.
Столот, именуван по познатиот холандски сликар, се наоѓа во Палацо Мафеи во Верона и е покриен со стотици кристали Сваровски. Тоа е дело на италијанскиот уметник Никола Боле и е опишан од локалните медиуми како „исклучително кревко и деликатно“ дело. Сепак, се чини дека туристот, додека ја разгледувал на изложбата, ја искористил можноста да фотографира во време кога немало обезбедување, без никакво внимание на состојбата на уметничкото дело.
Шокантните снимки прикажуваат маж и жена како позираат покрај впечатливиот стол во инаку празната просторија. Додека мажот ја фотографира жената, таа се наведнува пред столот за да изгледа како да седи на него на сликата. Но, мажот отишол чекор понатаму – може да се види како лебди над делото, а потоа седи на столот.
Столот веднаш се наведнува назад, се потпира на ѕидот и останува наведнат, додека двојката паничи и ја напушта просторијата. Музејот објави соопштение на социјалните мрежи по инцидентот, нарекувајќи ја ситуацијата „кошмар“.
„Кошмарот на секој музеј стана реалност, дури и во Палацо Мафеи. Додека чекаа да излезат супервизорите, некои посетители направија ‘интерактивна’ фотографија. Резултатот? Неодговорниот чин предизвика сериозна штета на столот ‘Ван Гог’ на Николас Боле, многу деликатно парче, целосно покриено со стотици кристали Сваровски“, рекоа тие.
Еден од низата инциденти
Музејот беше во криза со денови бидејќи се прашуваа дали ќе можат да ја поправат штетата, со оглед на нејзината големина. Друго видео од инцидентот покажува човек како се потпира со грбот на ѕидот додека столот се наведнува под него. Но, благодарение на реставраторите кои направија фантастична работа и италијанската полиција која им помогна во напорите, музејот објави дека „уметничкото дело повторно сјае“.
„Ја споделуваме оваа приказна не само од информативни причини, туку и за да започнеме вистинска кампања за подигање на свеста за вредноста на уметноста и почитта што ја заслужува. Искрена благодарност до полицијата, нашето обезбедување и реставраторите, чија драгоцена работа го овозможи враќањето на делото. И посебна благодарност до сите вас кои секојдневно шетате низ музејските сали со грижа, претпазливост и восхит. Бидејќи уметноста не е само за гледање. Таа треба да се сака. И да боде заштитена“, додадоа тие.
Овој инцидент е само еден во низата примери за несоодветно однесување на туристите при посета на историски и прекрасни дестинации во Италија. Без разлика дали станува збор за сквернавење на антички споменици или создавање јавна непријатност, многумина веќе се казнети за своите постапки и се соочија со гневот на италијанските власти.
Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.