Македонија
СДСМ тврди дека го решава проблемот со загадувањето
Се решава проблемот со загадувањето, се гради гасоводна мрежа, подигнат нов парк во Кисела Вода, Скопје набавува 40 нови еко автобуси, уверува Социјалдемократскиот сојуз на Македонија утрово преку соопштение.
Од партијата ја обвинуваат ВМРО-ДПМНЕ дека 11 години го игнорирала загадувањето и го уништила зеленилото. СДСМ ја бара вината кај актуелниот претседател на ВМРО-ДПМНЕ, Христијан Мицкоски, кој во претходната власт беше назначен за прв човек на АД ЕЛЕМ.
„Со поскапувањето за 100 отсто на електричната енергија, со укинувањето на евтината тарифа на струјата, ВМРО-ДПМНЕ принуди илјадници домаќинства да преминат на нееколошко загревање што придонесе за зголемување на загадувањето. ВМРО-ДПМНЕ и Христијан Мицкоски како тогашен советник за енергетика и прв човек на АД ЕЛЕМ имаат директна одговорност за енормното загадување“, вели СДСМ.
Владејачката партија додава дека наспроти политиките на ВМРО ДПМНЕ, актуелната Влада и сите надлежни институции преку сериозен пристап го решаваат овој комплексен проблем.
„Следната година, Град Скопје набавува 40 нови електрични еколошки автобуси за градски превоз. Ќе се замени дел од стариот и нееколошки возен парк на ЈСП со нови модерни и еколошки автобуси што ќе придонесе за намалување на загадувањето што доаѓа од сообраќајот“, велат од СДСМ и додаваат дека интензивно се работи на капиталниот проект за гасификација на државата, за што за следната година се обезбедени 1,1 милијарда денари повеќе отколку годинава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Македонија добива нов претседател и нова влада“, најави Муцунски
„Цензусот е постигнат. Македонија добива нов претседател и нова влада, предводена од Христијан Мицкоски“, напиша на социјалните мрежи, потпретседателот на ВМРО-ДПМНЕ, Тимчо Муцунски.
Тој упати благодарност до граѓаните за поддршката, како и за нивниот придонес за мирни, фер и демократски избори.
Македонија
Јавно обвинителство: Изборниот ден помина без поголеми нарушувања во гласањето и пријави за изборни инциденти
Јавното обвинителство соопшти дека до затворањето на избирачките места, изборниот ден поминал генерално без поголеми нарушувања на гласањето и пријави за изборни инциденти.
„Од информациите добиени од јавните обвинителства во државава, во ОЈО Кавадарци оформен е предмет по поднесено известување против лице од Неготино кое било пријавено од граѓанин за кривично дело – Повреда на слободата на определување на избирачите од член 160 од Кривичниот законик. Според наводите, пријавената телефонски се обидела да влијае кај пријавителката да гласа за една политичка партија, напоменувајќи дека е корисник на ИПАРД помош. Предметот е во предистражна постапка и се преземаат дејствија за да се утврди дали постојат елементите на пријавеното кривично дело или друго кривично дело кое се гони по службена должност.
Во ОЈО Кочани примени се известувања од МВР за пријавени настани поврзани со организирано носење на гласачи на избирачко место. Јавен обвинител веднаш даде насоки за проверка и прибирање податоци дали при превозот на каков било начин им се влијаело на гласачите во врска со остварувањето на нивното гласачко право.
Анонимен граѓанин во Ростуше пријавил дека едно лице вршело поткуп на гласачи. ОЈО Гостивар веднаш даде наредби и насоки, беа направени детални проверки, при што наводите не се потврдија со ниту еден доказ.
Освен ова, јавните обвинителства постапуваат и вршат проверки за сите други изолирани настани за кои јавноста претходно беше информирана.
Сите евентуални сомненија за кривични дела кои би можеле да го нарушат изборниот процес ќе бидат испитани, а предметите ќе имаат приоритет на постапување во јавните обвинителства“, се наведува во соопштението на Јавното обвинителство на Република Северна Македонија.
Македонија
Адеми тврди дека симпатизери на Европскиот фронт гласале за претседател: „Оставивме самите да одлучат“
Европскиот фронт преводен од Демократската Унија за Интеграција изрази благодарност до секој гласач што ја избрал европската иднина и ги осуди, како што велат, обидите на опозицијата преку пропаганда и лажни вести да сее страв.
Портпаролот на ДУИ, Арбер Адеми, изјави дека Европскиот фронт денеска ќе биде сведок на историската победа на овој сенароден референдум кој ќе ја запечати европската иднина на земјата.
„Нема враќање назад. Волјата на граѓните е пред се. Ќе останеме верни на волјата на гласачите. Европскиот фронт е гаранција дека активното и масовно учество на граѓаните ќе биде одлучувачко за натамошното напредување на Македонија. Вечерва победата е наша. На сите вас кои кажавте „Не на Русија, да на Европа“, рече Адеми.
Тој вели дека ставот на Европскиот фронт бил поддржувачите самостојно да одлучуваат дали ќе гласаат на претседателските избори.
„Ако направите споредба на процентот на излезност, има мала разлика, но не до тој степен што би се одразила фактичката состојба на нашите поддржувачи. Така што, имало поддржувачи на Европскиот фронт кој ја изразиле својата волја на претседателските избори“, изјави Адеми.