Свет
Пропадна обидот за државен удар во Габон, пучистите уапсени
Денешниот обид за државен удар во Габон, поттикнат од група на воени команданти, е официјално ставен под контрола, објави портпаролот на владата.
„Владата функционира, институциите функционираат“, изјави Гај Бертранд Мапанго за „Франс 24“. Претходно за агенцијата „Ројтерс“ изјавил дека четворица од петте команданти кои ја окупирале државната радио станица се притворени.
На станицата, командантите прогласија незадоволство од претседателот Али Бонго, кој во Мароко се опоравува од мозочен удар.
„Новогодишното обраќање на Бонго ги зголеми сомнежите за способноста на претседателот да продолжи со исполнувањето на своите обврски“, изјави полковникот Кели Ондо Обијанг, кој се претстави како командант на Републиканската гарда и шеф на самопрогласеното Патриотско движење на безбедносните сили на Габон.
Претседателот Али Бонго, кој на таа позиција е веќе 10 години, е надвор од земјата од октомври минатата година. Тој на жителите на Габон им испратил новогодишна честитка од болница во Мароко.
Неговото семејство владее со оваа држава богата со нафта речиси половина век. Бонго на позицијата го наследи својот татко Омар, кој почина во 2009 година. Неговиот реизбор во 2016 година беше проследен со наводи за изборна измама и насилни протести.
Габон или официјално, Габонска Република е држава во Централна Африка. Државата се граничи со Екваторијална Гвинеја на северозапад, со Камерун на север и со Република Конго на исток и југ. На запад Габон излегува на Атлантскиот Океан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.