Свет
„Опус деи“ плати милион долари отштета поради свештеникот сексуален напаѓач
Меѓународното конзервативно католичко друштво „Опус деи“ плати милион долари отштета, како дел од спогодбата околу тужбата за сексуална злоупотреба против католичкиот свештеник Џон Меклоски.
Овој свештеник од САД е познат по подготовка на истакнати конзервативни политичари за преобратување во католицизам – поранешниот претседател на Долниот дом на Конгресот Њут Гингрич, како и директорот на Националниот економски совет во администрацијата на Доналд Трамп, Лари Kудлоу и поранешниот сенатор и гувернер на Канзас, Ист Браунбек.
Жената која го тужи Меклоски е католичка од подрачјето на Вашингтон, а која одеше кај свештеникот на пасторално советување во Католичкиот информативен центар во главниот град на САД. Свештеникот повеќепати ја допирал, изјави таа за „Вашингтон пост“, и тоа додека одела кај него на советување поради нејзините брачни проблеми и тешката депресија од која страдала.
Сепак, тужбата и спогодбата останаа тајни сè додека „Опус деи“ не ги објави во понеделникот, и тоа на барање на жртвата која на овој начин сакаше да допре до другите потенцијални жртви на свештеникот сексуален напаѓач. Во меѓувреме, Меклоски не беше отстранет од свештеничката служба, но неговите овластувања беа значително намалени, па многумина во Вашингтон, каде што имаа статус на еден вид католичка слава, се прашуваа што му се случило.
Интересно е што на Јутјуб исто така може да се најдат низа видеа во кои отецот Меклоски дава совети за романтични врски.
Портпаролот на „Опус деи“, Брајан Финерти рече дека уште една жена се пожалила „дека тој (Меклоски) ја гушкал”. Меѓутоа, тој откри дека „Опус деи“ ја истражува и третата, потенцијално „сериозна” пријава. Тој не сакаше да ги открие деталите, но рече дека жената можеби „исто така била подложена на малтретирање од страна на Меклоски”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.
Свет
Израел го продолжува нападот врз Рафа, САД: Тоа нема да го порази Хамас
Американскиот претседател Џо Бајден верува дека големата израелска операција во Рафа нема да ја унапреди целта на земјата за поразување на палестинската милитантна група Хамас во Газа, изјави денеска претставник на Белата куќа.
„Ударот на Рафа, според него, нема да ја унапреди таа цел“, рече портпаролот Џон Кирби.
Кирби рече дека Хамас е под значителен израелски притисок и дека сега има подобри начини да се нападне остатокот од раководството на групата отколку операција со значителен ризик за цивилите.
„Тврдењата дека се оддалечуваме од Израел или дека не сме подготвени да им помогнеме да го поразат Хамас, едноставно не се точни“, додаде тој.
Тековната рунда преговори во Каиро за можниот договор за ослободување на заложниците заврши без видливо решение, изјави денеска висок израелски функционер. Израел ќе продолжи со операцијата во Рафа, додаде тој.
Вчера, Бајден за прв пат јавно го предупреди Израел дека САД ќе престанат да го снабдуваат со оружје доколку израелските сили извршат голема инвазија на Рафа, град полн со палестински бегалци во јужниот дел на Газа.
Израелскиот премиер Бенјамин Нетанјаху денеска изјави дека неговата земја е подготвена да продолжи сама да се бори доколку е потребно.
„Како што реков претходно, ако треба, ќе се бориме со нокти“, рече Нетанјаху во видео изјавата.
Европа
Продолжување на вонредната состојба и општа мобилизација во Украина
Претседателот на Украина, Володимир Зеленски денеска го потпиша законот за продолжување на вонредната состојба и општа мобилизација од 14 мај до 11 август.
Зеленски на 6 мај достави до парламентот предлог за продолжување на вонредната состојба и општа мобилизација за уште 90 дена, објави „Киев индепендент“.
Украинскиот парламент гласаше да го одобри продолжувањето два дена подоцна.
Тој претходно ја продолжи вонредната состојба и мобилизацијата од 14 февруари до 14 мај.
Зеленски првпат прогласи вонредна состојба и општа мобилизација на 24 февруари 2022 година, кога Русија започна напад врз Украина.
Оттогаш, мерката беше продолжена неколку пати.
Оваа мерка значи дека Украинците на возраст меѓу 18 и 60 години, со некои исклучоци, не можат да ја напуштат земјата бидејќи може да бидат повикани на воена служба.
Во април, парламентот усвои закон за ажурирање на правилата за мобилизација додека земјата се обидува да ги надополни редовите на своите вооружени сили.