Регион
(Видео) Автобус со ученици од Сплит се запали во тунел во Швајцарија
Во тунел во Швајцарија целосно изгоре автобус кој превезувал сплитски средношколци.
Како што јавува „Далмација данас“, учениците навреме излегле од автобусот и нема повредени во несреќата. Сплитските ученици кои престојувале една недела во Швајцарија, се враќале од скијање, кога моторот на автобусот ненадејно се запалил и патниците благодарение на брзата реакција на возачот успеале за излезат надвор.
Според наводите на еден родител, на дел од учениците им изгореле документите и мобилните телефони, а се запалиле и дел од куферите.
„Ми се јави синот по несреќата и веднаш нагласи дека сите се добро. Сепак, првиот час го поминав во нетрпеливост бидејќи не знаев никакви детаљи, а по час време успеав да го добијам синот. Автобусот се запалил и изгорел во тунел. Во Швајцарија изминативе седум дена престојуваат на зимовање бројни ученици од повеќе сплитски училишта кои со три или четири автобуси денеска се враќаат кон Сплит“, изјави еден од родителите.
Водичот на групата, Гордан Драшинац истакна дека швајцарските служби интервенирале 10 минути по несреќата, а на средношколците им биле издадени привремени документи.
Учениците со друг швајцарски автобус тргнале за Милано, каде ќе ги презеде хрватски превозник кој ќе ги одведе дома. Во автобусот имало 52 патници кои се враќале од скијање, од кои 48 ученици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.