Свет
Над 100 мртви во епидемија на ебола во Конго
Министерството за здравје на Конго соопшти дека од епидемија на ебола во земјата загинале повеќе од 400 лица, особено на истокот и североистокот во земјата.
„Од почетокот на епидемијата загинаа 402 лица“, се наведува во соопштението и се додава дека 237 се излекувани, а за речиси 200 лица постои сомнеж дека се инфицирани.
Во Конго од 1975 година имало десет епидемии на ебола. Минатиот пат кога беше прогласена епидемија, починаа 33 лица. Крајот на таа епидемија беше прогласен во јули минатата година, а една седмица подоцна изби нова, десетта епидемија, во друг дел од земјата. Во големата епидемија на ебола во 2013 година во Западна Африка починаа повеќе од 11.300 лица, најмнногу во Гвинеја, Сиера Леоне и во Либерија.
Заболените од ебола добиваат треска проследена со болки во мускулите, нагло покачување на температурата, главоболка и пад на имунитетот, а понекогаш и крвавење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.