Економија
Постојани шанси за вработување во македонските компании кои се дел од Групацијата Балфин
Една од најголемите приватни инвестициски групации во Југоисточна Европа, „Балфин“, во моментот во Македонија е присутна со две големи компании – „Нептун“ и „Ист гејт“. Станува збор за две претпријатија од различен калибар – „Нептун“, кој работи во сферата на продажба на бела техника и електроника, и „Ист гејт“, во полето на градежништвото, односно на изградбата на мултифунционалниот комплекс во Скопје, кој ќе го носи истото име. Но, овие две компании како дел од големото семејство „Балфин“, кое брои повеќе од 5.000 вработени во девет земји, делат иста филозофија во однос на третманот, шансите за раст и вложувањето во вработените, информираат од „Нептун“.
„Нептун“ во моментот има 417 вработени, а генералниот директор, Горан Цветинов, посочува дека бројот расте со динамика од 10 отсто годишно како резултат на отворањето нови продажни салони, зголемување на обемот на работа и воведувањето нови услуги.
„Секоја година планираме и инвестираме во обука и развој на вработените. На годишно ниво се определува план за обуки и програма за развој во согласност со потребите на компанијата, промените во околината и новитетите во работењето. Плановите и програмите за развој се однесуваат на новите и на постојните вработени и се приспособени на хиерархиските нивоа, секторот и природата на работата. Компанијата се грижи вработените на сите нивоа да бидат запознаени со новините во соодветната област“, објаснува Цветинов и дополнува дека најдобрите вработени, кои покажуваат извонредни резултати и желба за напредок, се вклучуваат во посебна програма за управување со таленти во организацијата.
Шанси за домашни компании и работници
Ана Костовска, која е менаџер за човечки ресурси во „Нептун“, се вработила во компанијата во 2015 година. Посочува дека менаџментот инвестира во своите вработени со обуки што се важни и директно поврзани со успех во работата.
„Се организираат и обуки што придонесуваат за личен развој на вработените. Дополнително, при отворање слободни позиции предност им се дава на вработените во „Нептун“, што е позитивен индикатор за опциите за унапредување во рамките на компанијата“, вели Костовска.
Администраторот за продажба во „Нептун“, Мирјана Младеновска, е вработена во компанијата од 2005 година и досега имала многу шанси за раст и развој.
„Нептун“ инвестира во своите вработени, но не секој ја користи таа шанса. Напредок има онаму каде што има и обострана соработка и желба за тоа“, додава таа.
Горан Цветинов надополнува дека секоја апликација што доаѓа во „Нептун“, без разлика дали се работи за пријава на оглас или отворена пријава за вработување, внимателно се разгледува.
„Апликантите што ги задоволуваат нашите критериуми се повикуваат на интервју или тестирање за да се оценат во согласност со нашите дефинирани критериуми. Кандидатите што успешно го поминуваат прелиминарното интервју, се земаат предвид за следната слободна позиција“, појаснува Цветинов.
Соработка со образовни институции
„Нептун“ има воспоставено и релација со повеќе образовни институции во Македонија, со цел да се идентификуваат и привлекуваат студенти што би можеле да се вклучат во програмите за развој на вработени.
„На овој начин ќе поттикнеме вработување и развој на апсолвенти или штотуку дипломирани кандидати, а секако останува и можноста за воведување студентска пракса во компанијата“, вели Цветинов и додава дека воедно имаат континуирана соработка со Економскиот факултет при Љубљанскиот универзитет, каде што редовно праќаат вработени на доусовршување во разни области.
Компанијата „Ист гејт“ е релативно нова и брои 15 вработени. Но, како и кај сите компании што се дел од „Балфин“, главен фокус е вложување во општеството во кое функционираат. Поради тоа, во моментот тече постапка за аплицирање на македонски претпријатија кои би биле ангажирани за изградба на мултифункционалниот комплекс со истото име, „Ист гејт“.
„Јавно го промовираме системот за е-набавки на „Ист гејт“. Сите компании имаат можност да се регистрираат во системот за да може да ги следат сите повици и тендери, а нивните пријави и понуди се истовремено достапни до акционерите и одговорните инволвирани во процесот на набавки во компанијата. Ова ќе биде принципот на функционирање и понатаму при изградба на комплексот. Не само поради ефикасноста, туку поради вредностите што ги промовираме како компанија: транспарентност, непристрастност и фер третман на сите подизведувачи при процесот на избор на партнери“, објаснува Игор Давков, извршен директор на „Ист гејт“.
Овие две компании како дел од семејството на „Балфин“ работат според принципите на големата инвестициска групација со седиште во Тирана. Идејата е да се стави акцент на вработените, на нивниот раст и развој знаејќи дека токму луѓето се тие што ја прават една компанија навистина голема и успешна.
„Балфин“ е една од најголемите приватни инвестициски групации во регионот, која е позната по своите инвестиции во трговски центри, резиденцијални и комерцијални објекти, туристички проекти, како што Green Coast Resort и Vala Mar Residences, активности во модната и во рударската индустрија, како и во сферата на малопродажбата со „Нептун“, „Џамбо“, SPAR и други.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Затворени четири субјекти: триесет отсто од контролираните се со неправилности за фискализација, објави УЈП
Во периодот од 28 јули до 3 август 2025 година Управата за јавни приходи (УЈП) спроведе вкупно 214 теренски контроли за фискализација, насочени кон различни типови деловни субјекти, меѓу кои: ресторани, кафе-барови, шанкови на плажа, слаткарници, колонијали, продавници за облека и накит, хотел, автопревозници, паркинзи и други трговски објекти за продажба на мало.
Контролите беа реализирани во државата во повеќе градови, меѓу кои и туристичките места, каде што во летниот период има зголемена фреквенција на туристи. Од 214 контролирани субјекти, кај 30,8 %, односно кај 66 од контролираните се утврдени неправилности во согласност со Законот за регистрирање на готовинскиот промет.
За утврдените неправилности донесени се 66 прекршочни санкции – глоби, кои ќе бидат одмерени во согласност со големината на субјектот.
За четири, односно три субјекти од Охрид и еден од Струга, поради повторено неиздавање фискални сметки во рок од две години, изречена е мерка за привремена забрана за вршење дејност (запечатување).
„Анализата на спроведените контроли и утврдените неправилности по градови е следна: • Во Скопје извршени се 14 контроли и при истите утврдени се 4 неправилности; • Во Струга, Охрид и Битола извршени се 126 контроли, а утврдени се 29 неправилности од кои 11 неправилности во Струга и 18 во Охрид • Во Прилеп извршени се 7 контроли, a утврдени се 3 неправилности; • Во Тетово, Гостивар извршени се 32 контроли, а утврдени се 14 неправилности од кој 13 во Тетово и една во Гостивар • Во Штип, Неготино, Демир Капија, Кавадарци Велес и Куманово извршени се 35 контроли, а утврдени се 16 неправилности, по една неправилност во Неготино и Кавадарци, 2 во Демир Капија, 3 во Штип, 4 во Велес и 5 неправилности во Куманово“.
УЈП апелира до сите даночни обврзници да постапуваат совесно и согласно законските прописи, со цел да придонесат кон зајакнување на даночната усогласеност и унапредување на даночната дисциплина во државата.
„Управата за јавни приходи врз основа на извршените контроли согласно Закон за регистрирање на готовински плаќања, ќе врши вкрстени проверки со цел да ја провери веродостојноста на искажаните приходи кај даночните обврзници. Издавањето фискални сметки и користењето мобилни фискални апарати не претставуваат само законска обврска – туку и клучен чекор кон правично, транспарентно и одговорно деловно опкружување. Управата за јавни приходи останува цврсто посветена на доследна примена на законите и обезбедување еднаков третман за сите даночни обврзници“.
Економија
Николоски – Соријано-Ортиз: Авиолиниите до Мадрид и до Барселона се одлична можност за подoбрување на соработката меѓу двете држави
Билатералните односи меѓу Македонија и Шпанија дополнително ги зајакнуваме преку отворање на авиолинијата Скопје -Мадрид и претходно воспоставената линија Скопје -Барселона, истакнаа на денешната средба вицепремиерот и министер за транспорт Александар Николоски и амбасадорот на Кралството Шпанија, Рафаел Сориано Ортиз.
Двете авиолинии, информираше вицепремиерот, се дел од владината програма за развој на ависообраќајот преку кои се отвораат нови перспективи меѓу двете земји и за двата народи.
На средбата, исто така беа разменети и мислења и ставови за актуелните политички и економски прашања во земјава и регионот, притоа вицепремиерот Николоски истакна дека Македонија е влезена во инвестициски циклус во развој на патната и железничка мрежа со посебен акцент на коридорите кои треба да го придвижат регионалниот економски развој.
На средбата беа потенцирани и можностите за инвестирање во земјава, преку реализација на инвестиции во сектори од заеднички интерес.
На крајот од средбата двајцата соговорници се согласија дека соработката меѓу двете земји е на добро ниво и дека истата дополнително може да се зацврстува особено во делот на економијата.
Економија
УЈП: Инкасирани 2,3 милијарди денари или 37,4 милиони евра повеќе во буџетот споредбено со јули лани
Во јули 2025 година, Управата за јавни приходи оствари значителен раст на наплатата по основ на даноци и социјални придонеси за речиси 37,4 милиони евра во споредба со јули 2024 година.
Вкупната наплата од даноци (Данок на додадена вредност (ДДВ), данок на личен доход (ДЛД) и данок на добивка ДД) изнесува 14.344 милиони денари, односно приближно 233 милиони евра, што претставува рекордна месечна наплата досега.
По тој основ остварен е раст од 922 милиони денари или околу 15 милиони евра, што е раст од 6,9% во однос на јули 2024 година. Раст од 13,4% се бележи и кај социјалните придонеси, и по тој основ наплатени се 11.823 милиони денари (192,2 милиони евра), што е за 1.400 милиони денари (околу 23 милиони евра) повеќе наплатени средства од придонеси во споредба со истиот месец минатата година.
„Растот на приходите не е случаен – тој е резултат на зголемена економска активност, како и посветена работа, партнерство и доверба која Управата за јавни приходи постојано ја гради со даночните обврзници. Во изминатиот период, а во согласнст со законските надлежности, УЈП презеде низа мерки и е во постојан контакт со даночните обврзници и нивните овластени сметководители кои имаат пријавен, но ненаплатен долг за соодветниот даночен период. Целта е навремено подмирување на обврските и избегнување на блокада на сметки и дополнителни трошоци за присилна наплата“, велат од УЈП.
Во рамки на превентивните мерки, доставени се персонализирани пораки и известувања до обврзниците, со јасна порака за доброволно усогласување. Придобивката од овој пристап е јасна: се овозможува финансиска стабилност кај обврзниците, се избегнуваат санкции и се гради одржлива даночна историја, што директно придонесува за стабилни јавни финансии и позитивна деловна клима.
Тешко злосторство во Кавадарци – го убил својот брат, па го закопал во дворот
Четириесет и тригодишен маж е осомничен дека по расправија го убил својот една година помлад брат, а потоа неколку дена...
Децата на подолго болничко лекување нема да губат настава, на Детската клиника се воведува формално образование
За да нема прекин на воспитно-образовниот процес на учениците што имаат посериозни здравствени предизвици и се на болничко лекување повеќе...
Хелсиншкиот комитет го осудува националистичкото скандирање на фудбалскиот натпревар меѓу „Шкендија“ и „Карабах“
Хелсиншкиот комитет за човекови права изразува сериозна загриженост и го осудува националистичкото и политизирано скандирање за време на фудбалскиот натпревар...
Девет години од катастрофалните поплави во Гази Баба, во кои загинаа 22 лица
Денеска се навршуваат девет години од катастрофалните поплави во Стајковци и околните села и Сингелиќ во кои загинаа 22 лица....
Над 360 лица ќе ја искористат мерката на Владата за пожарникари
Точно 364 лица, од кои 34 во Скопје, ќе ја искористат мерката на Владата предводена од ВМРО-ДПМНЕ, на која ќе...
ОН предупреди на катастрофални последици ако Израел ги прошири своите воени операции во Газа
Висок функционер на Обединетите нации предупреди дека може да има „катастрофални последици“ ако Израел ги прошири своите воени операции во...
Хирошима: 80 години од првата атомска бомба во светот, која уби над 100.000 луѓе
Јапонскиот град Хирошима одбележува 80 години од американскиот нуклеарен напад што го уништи градот и одзеде десетици илјади животи. Хирошима...
Трамп именува наследник
Претседателот на Соединетите Американски Држави, Доналд Трамп, денес посочи дека потпретседателот Џ. Д. Венс би можел да биде неговиот најверојатен...
Српскиот министер, кој доживеа мозочен удар во емисија, е свесен, но сè уште во критична состојба
Министерот за јавни инвестиции на Србија, Дарко Глишиќ, се разбуди по операцијата поради мозочен удар и е свесен, но има...
Извршил обљуба врз деветгодишно девојче: уапсен скопјанец
Вчера полициски службеници од СВР Скопје го лишиле од слобода Л.О.(32) од скопско село. Полицијата постапила по претходна пријава дека...
Семејството го барало неколку дена, во куќа во Кавадарци пронајден починат маж покриен со земја
Полицијата пронајде починат 42-годишен маж во Кавадарци, постојат сомненија за убиство. Дежурен јавен обвинител од Основното јавно обвинителство Кавадарци изврши...
Скопјанец преку веб-страница продавал билети за непостоен концерт
Полицијата поднесе кривична пријава за скопјанец кој преку веб-страница продавал билети за непостоен концерт. Денеска, Секторот за компјутерски криминал поднесе...
Клиниката за детски болести доби нов дигитален мобилен рендген-апарат, донација од Јапонија
На Клиниката за детски болести денеска беше промовиран дигитален мобилен рендген-апарат, обезбеден со поддршка од Амбасадата на Јапонија. „Станува збор за...
Разоткриена мрежа на шверцери – купувале цигари на фришоп во Грција и ги пренесувале со цистерна со нафта
Царинска управа преку Секторот за контрола и истраги, откри и спречи криминална шема поврзана со шверц на цигари. Против пет...
Гром го предизвикал пожарот во велешката фабрика, велат од „Мирана“
Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат...
(Видео) Еден качен на хауба, друг вози без дозвола – поднесени пријави за скопјаните што дивееја на улиците
Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и...
Полициска интервенција во Струга: Над 500 лица и 120 луксузни возила на собир по полноќ, запленети автомобили
Доцна синоќа, нешто по полноќ, струшката полиција интервенирала на паркинг во градот по пријава за гласна бучава и вознемирување на...
Сѐ повеќе луѓе остануваат без работа поради вештачката интелигенција – најголем удар врз младите
„Мајкрософт“ годинава отпушти повеќе од 15.000 луѓе, од кои 9.000 само во јули, што е речиси 7 отсто од вкупната...
(Видео) Охридско лето со концерт на Ана Дурловски го прослави 65. роденден
Со концерт на реномираната македонска сопранистка, првенката на Националната опера и балет, Ана Дурловски која настапи со пијано придружба на...
Променливо облачно и нестабилно со локален пороен дожд и грмежи, наместа во форма на невреме
Променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со...
