Свет
Кина забележа најнизок економски раст досега
Економијата во Кина забележа најбавен раст во последните три децении.Втората најголема економија во светот порасна 6,6 отсто во 2018 година, покажуваат официјалните податоци објавени во понеделникот, што претставува најнизoк пораст од 1990 година досега.
Ова се должи на напорите на владата да се обиде да се справи со огромните долгови. Економијата на Кина исто така ги почувствува ефектите и од трговската војна со САД, што резултира со нови такси на производи во вредност од над 250 милијарди американски долари.
Ваквата ситуација има последици и на глобалниот пазар.
Економскиот раст во Кина забави до 6,4 отсто во последниот квартал од годината, покажуваат податоците во согласност со предвидувањата на економистите. Економскиот раст годинава се очекува да падне до 6 отсто, но многу аналитичари се скептични за точноста на владините пресметки и велат дека растот може да биде многу понизок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русите влегоа во градот, кој е на првата линија од 2014 година и го претставува сидрото на украинската одбрана
Руските сили влегоа во предградието на градот Торецк во источна Украина, соопшти доцна синоќа украинската војска, помалку од една недела по падот на блискиот град Вухледар.
„Ситуацијата е нестабилна, борбите се водат буквално на секој влез (во градот)“, изјави за украинската национална телевизија Анастасија Бобовникова, портпаролка на Оперативно-тактичката група Луганск.
„Русите влегоа во источната периферија на градот“, додаде таа.
Русија, која сега контролира нешто помалку од една петтина од територијата на Украина, од август напредува кон Торецк, земајќи село по село со пешадија поддржана од зголемена употреба на високо деструктивни наведувани бомби.
За Украина, Торецк е град на првата линија десет години, бидејќи е блиску до украинската територија што ја зазедоа сепаратистите поддржани од Русија во 2014 година и оттогаш стана сидро на одбраната на Киев.
За Москва, заземањето на градот, ќе го приближи претседателот Владимир Путин до неговата цел да го заземе регионот на Донбас.
Откако не успеа да го освои главниот град Киев кога започна сеопфатна инвазија на Москва во февруари 2022 година, Путин се фокусираше на заземање на старото индустриско срце во источна Украина познато како Донбас, кое ги покрива регионите Луганск и Доњецк.
Падот на Торецк, велат украинските воени аналитичари, ќе и овозможи на Москва да ги попречи клучните логистички правци што го поврзуваат оперативниот заден дел на силите на Киев во областа со борбената зона, вклучително и главниот пат Покровск-Костјантинивка.
Свет
Ким Џонг-ун: Северна Кореја ќе ги забрза чекорите за да стане нуклеарна суперсила
Севернокорејскиот лидер Ким Џонг Ун изјави дека неговата земја ќе ги забрза чекорите за да стане воена суперсила со нуклеарно оружје и нема да ја исклучи нивната употреба доколку биде нападната од непријателите, објави државната новинска агенција КЦНА.
Во вчерашниот говор одржан на универзитетот, Ким исто така рече дека нема намера да ја нападне Јужна Кореја, но „ако непријателот се обиде да употреби сила против нашата земја“, севернокорејската војска без двоумење ќе ја употреби целата сила, што „не исклучува употреба на нуклеарно оружје“. Според КЦНА, тој повика и на опширно зајакнување на одбраната на Северна Кореја.
Тој испрати и роденденска порака до рускиот претседател Владимир Путин, пренесе КЦНА. Тој го нарече Путин негов „најблизок другар“, велејќи дека „стратешките и кооперативни односи“ меѓу двете земји ќе бидат подигнати на ново ниво за да работат на „одбрана на регионалниот и глобалниот мир и меѓународната правда“.
Свет
Нови израелски напади врз јужен Бејрут
Нови напади на Израел беа пријавени во јужен Бејрут.
Либанските државни медиуми објавија дека два удари ги погодиле јужните предградија на Бејрут, а над областа може да се забележи чад.
Веста доаѓа веднаш откако израелската војска издаде нови наредби цивилите во либанската престолнина да напуштат одредени згради.
ИДФ го потврди нападот на Бејрут: Цел беа разузнавачите на Хезболах
Израелските одбранбени сили (ИДФ) го потврдија нападот врз Бејрут.
Велат дека воените авиони лансирале проектили кон „разузнавачкиот штаб“ на Хезболах – цел за кој ИДФ соопшти дека веќе го погодиле со ракетен оган во последните денови.