Забава
Европската вселенска агенција ќе копа на Месечината во потрага по вода и кислород

Европската вселенска агенција планира да почне да копа на Месечината во потрага по вода и кислород до 2025 година. Агенцијата соопшти дека постигнале договор до Европската вселенска компанија „Аријане груп“ за истражување на можноста со копање на Месечината да се почне до 2025 година.
Вода и кислород може да бидат извадени од реголитот, односно земјата на Месечината, со што би било полесно за луѓето да поминат повеќе време на природниот сателит на Земјата, велат од „Аријане груп“. Истражувањето исто така треба да покаже дали е можно да се произведе ракетно гориво на Месечината овозможувајќи поголем број експедиции во иднина.
„Користењето на ресурсите од вселената е клуч за одржливи мисии“, вели Дејвид Пекер од Европската вселенска агенција.
Реголитот е слојот од земјата што ја покрива Месечината. Според научниците, може да се извадат големи количини кислород заробен во составот на земјата.
„Истражувањето е дел од планот на Европската вселенска агеција, Европа да стане партнер во глобалнито истражување во следната деценија“, вели Паркер.
Мисијата ќе биде соработка на научници и инженери од Франција, Германија и од Белгија. Проектот сега е во развојна фаза, а научниците се надеваат дека во наредните години веќе ќе може да испратат опрема за копање на Месечината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Меѓу ѕвездите“: македонскиот бенд „CODE 369“ со нов албум

Македонскиот бенд „CODE 369“ од Битола, познат по својата силна музичка посебност, која комбинира фанк, џез, рок и поп, го објави својот втор студиски албум за Croatia Records – „Među zvijezdama“ („Меѓу ѕвездите“).
По успешното деби „Stages of Love“, овој нов албум го потврдува нивниот статус на еден од најсвежите алтернативни рок состави во регионот.
Автор на музиката за сите песни на албумот е Даниел Митревски, кој е и продуцент на албумот, додека текстовите се на пејачката Ирена Димовска, освен за песната „Конкретно“, кој го напиша Мила Влаисављевиќ. Албумот е снимен во студиото „Atelier“, а мастерингот е на Славко Ристески, работен во студиото Про Саунд. Визуелниот идентитет на албумот го дизајнираше Лана Ловриќ, чие уметничко решение ја следи атмосферата и пораката на албумот – патување низ емоциите и соништата.
„Албумот „Меѓу ѕвездите“ носи звук кој балансира помеѓу алтернативното изразување и комерцијалната прифатливост, притоа задржувајќи ја карактеристичната слобода, енергија и длабочина што обожавателите на бендот веќе ги препознаваат и ценат. Посебен фокус е ставен на синглот „Конкретно“, кој веќе наиде на одлични реакции кај публиката и критиката.
„CODE 369“ неодамна настапија на Деновите на Croatia Records во Македонија, каде во живо претставија неколку нови песни. Албумот досега беше достапен дигитално, а сега го има и како це-де издание, кое може да се купи и онлајн“.
Забава
(Видео) „Толку е сладок“: Бред Пит со нов имиџ

Бред Пит веќе некое време работи на промоцијата на филмот Формула 1.
Неодамна даде интервју за списанието „GQ“, каде што зборуваше за деталите од овој филм, но за прв пат проговори и за својата нова партнерка, Инес де Рамон.
he's so cute 🥹 #bradpitt pic.twitter.com/Jwzn47ACML
— vi 🐞 (Hayes') (@itshighart) June 10, 2025
Тој продолжи со понатамошната промоција во Мексико и ги воодушеви сите присутни со промената на својот имиџ.
Холивудскиот лик прошета по црвениот тепих во модерно одело во боја на лаванда, а на стајлингот додаде златен прстен и очила за сонце.
Покрај тоа, промената на фризурата беше забележлива, односно, Бред Пит покажа кратка фризура и седа брада.
Корисниците на социјалните мрежи масовно го коментираат новиот изглед на Бред Пит.
„Толку е сладок“, „Изгледа совршено“, се само некои од коментарите.
Забава
Заменете го кафето со мача – ги намалува стресот и анксиозноста

Сè попопуларен пијалок во светот, но и кај нас, е мачата, во различни варијации, која се прави од правот на истоименото растение.
Мачата се прави од горните три слоја млади листови од растението Camellia sinensis, а според експертите, консумирањето мача води до намалување на стресот и анксиозноста.
Овој смирувачки ефект на мачата најмногу се припишува на две супстанции – L-теанин и епигалокатехин галат (EGCG).
L-теанинот е аминокиселина присутна во зелениот чај која има смирувачки ефект, а бидејќи мачата е концентрирана форма на зелен чај, се верува дека L-теанинот во него има уште посилен ефект поради поголемата количина.
„Докажано е дека промовира релаксација без поспаност, со зголемување на активноста на алфа мозочните бранови и модулирање на невротрансмитерите како што се GABA, допамин и серотонин“, објаснува д-р Ли А. Фрејм.
Мачата, исто така, содржи EGCG, растително соединение кое може да помогне во намалувањето на воспалението и оксидативниот стрес, што може да биде поврзано со анксиозност.
Мачата, исто така, содржи помалку кофеин од кафето или еспресото. Кофеинот брзо се апсорбира од телото, го стимулира нервниот систем и може да ги зголеми нивоата на адреналин и кортизол, хормони поврзани со стрес.
Она што ја прави мачата посебна е присуството на L-теанин, кој ги намалува ефектите на хормоните на стрес и му помага на телото да остане смирено и фокусирано, без ненадејни напливи на енергија и нервоза.
Постојаното пиење мача може да биде корисно во намалувањето на стресот, а дури и повремена чаша од овој пијалок може да има позитивен ефект, пишува Verywell Health.
Мачата е одлична и во разни јадења како што се десерти, но EGCG и L-теанинот можат да бидат уништени од високите температури што се користат при продолжено готвење, поради што најдобро е да се консумира како пијалок.