Забава
Во кој град се наоѓа најдобриот европски хостел?

Хостел во Прага e прогласен за најдобар во Европа и најдобар мал хостел во светот за соло патници, на годинашното доделување на познатите хостелски оскари „Хоскарс“.
Хостелот „RoadHouse“ во стариот дел на градот е опишан како идеално место за друштвените патници, а доби и награда како најдобро сместување за соло патници што се гледа во порастот од 42 отсто на резервации од туристи кои патуваат сами во периодот меѓу 2015 и 2017 година.
Хостелските оскари се најпрестижните награди во туристичката индустрија, кои ги организира познатиот портал за резервации „Hostelworld“ и кои се базираат на податоци од повеќе од 1,2 милиони рецензии доставени во текот на претходната година, при што се оценуваат повеќе од 36 илјади објекти во 170 земји. Наградите ги класифицираат сместувањата во 29 категории, а новата категорија посветена на соло патници има за цел да ги афирмира хостелите кои поттикнуваат ваков начин на патување. Резервациите на порталот, кога се соло патниците во прашање се зголемени за 45 отсто во хостелот „We Love F“ во Лисабон, кој исто така годинава освои награда.
Најдобро оценет хостел за машки соло патници е „One Paralelo“ во Барселона кој нуди бесплатна вечера и забави секоја вечер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Тие никогаш нема да ви се јават први, не сакаат да изгледаат „очајно“

Без разлика колку им е грижа, на некои хороскопски знаци ќе им биде тешко први да се обратат, не затоа што не се заинтересирани, туку затоа што им е важно да го одржат впечатокот на самоконтрола, независност или едноставно, не сакаат да „изгледаат наметливи“. И додека од една страна тивко ја сакаат вашата порака, од друга страна гордоста или несигурноста се посилни.
Еве четири хороскопски знаци кои се мајстори во тоа.
Шкорпија
Шкорпиите сакаат да имаат контрола, и врз себе и врз ситуациите. Ако први проговорат, се чувствува како да губат моќ. Иако се интензивни, емотивни и лојални, честопати ќе се повлечат и ќе чекаат вие да го направите првиот потег. Зад тој „ладен“ став честопати лежи длабока емоционална потреба за сигурност, и само кога ќе им покажете дека ја има, тие ќе се отворат.
Јарец
Јарците не сакаат да ризикуваат кога станува збор за емоции. Тие се плашат дека ќе изгледаат послаби ако покажат дека им е грижа, па затоа претпочитаат да молчат, уверени дека вистинските луѓе ќе ви се обратат. Тие се пресметани и претпазливи, дури и во пораките; ако вие не го направите првиот потег, малку е веројатно дека ниту тие ќе го направат.
Девица
Девиците премногу размислуваат, за секоја реченица, за времето и за можниот одговор. Тие често ги анализираат малите нешта и се плашат дека ќе погрешат ако се премногу заинтересирани. Нивниот перфекционизам ги спречува, па затоа ќе одлучат да ја чекаат вашата порака, наместо да ризикуваат да изгледаат „очајни“.
Водолија
Водолиите често изгледаат дистанцирани, дури и кога длабоко се грижат. Тие не сакаат да покажуваат емоции на вообичаен начин и често играат на „картата на кул“. Ако очекувате да ве бомбардираат со пораки, тоа нема да се случи. Тие претпочитаат вие да ја водите играта и само кога ќе се чувствуваат безбедно, почнуваат да се насочуваат кон другите и да се отвораат.
Забава
Дуа Липа конечно потврди: „Да, свршени сме, многу е возбудливо“

Дуа Липа конечно ја потврди својата свршувачка со актерот Калум Тарнер по месеци гласини и шпекулации. Во интервју за британскиот „Вог“, пејачката, која во август полни 30 години, за прв пат јавно проговори за големата животна пресвртница.
„Да, свршени сме. Многу е возбудливо“, рече таа. „Одлуката да остариме заедно, да ги споделиме нашите животи и, не знам, да бидеме најдобри пријатели засекогаш, тоа е навистина посебно чувство“, додаде таа.
Гласините за романтично запросување започнаа кон крајот на минатата година, а оттогаш таа често се гледа со блескав дијамантски прстен на прстот.
Иако во моментов не размислува интензивно за свадбата поради нејзината концертна турнеја, таа признава дека нејзините мисли се повеќе се вртат кон фустанот.
„Сакам да ја завршам турнејата, Калум снима, па засега уживаме во овој период. Никогаш не сум била од типот на личност која сонува да се омажи или замислува каква невеста би била. И одеднаш си велиш: Хмм, што би облекла?“
Забава
Конфликтот меѓу Лајвли и Балдони се продлабочува, уште едно познато име пристигнува на суд

Спорот меѓу Блејк Лајвли и Џастин Балдони продолжува, а нејзиниот правен тим сега планира да го повика Скутер Браун, поранешен публицист и извршен директор на HYPE America, да сведочи во овој сè посложен случај.
Според информациите објавени од „Пејџ Сикс“, тимот на Лајвли сака да истражи што компанијата на Браун знае за Мелиса Натан, специјалист за односи со јавноста ангажирана од Балдони во август 2024 година. Овој потег доаѓа по гласините за затегнати односи меѓу главните актери на снимањето на филмот „It Ends With Us“.
Мелиса Натан е едно од лицата именувани во тужбата на Лајвли против Балдони од декември 2024 година. Актерката го обвинува за сексуално вознемирување и кампања за оштетување на нејзиниот углед и кариера. Балдони наводно ја ангажирал Натан за да ја ублажи штетата предизвикана од тврдењата дека Блејк се чувствувала непријатно за време на снимањето, вклучувајќи инцидент во кој тој наводно ѝ се потсмевал поради нејзината тежина.
Кратко по обвинувањата, се појавија стари интервјуа во кои Блејк користела навредлив јазик кон трансродовите лица и навредила новинарка. Таа беше исто така жестоко критикувана за нејзините коментари за семејното насилство, централна тема на филмот.
Иако Балдони поднесе контратужба против Лајвли и нејзиниот сопруг Рајан Рејнолдс, таа тужба беше отфрлена претходно оваа недела. Неговиот правен тим објави дека ќе поднесат изменета верзија на тужбата.
Скутер Браун не е единствената позната личност што е именувана во случајот. Балдони претходно ја спомена пејачката Тејлор Свифт, долгогодишна пријателка на Блејк Лајвли, тврдејќи дека Блејк „го користела своето влијание за да ги оствари своите цели“. Иако Свифт првично беше повикана да сведочи, таа судска покана беше повлечена минатиот месец. Судењето за случајот треба да се одржи во март 2026 година.