Свет
Научниците со ново откритие за делењето на Црвеното Море за време на библискиот егзодус
Истражувачите на Универзитетот во Аризона, проучувајќи ги остатоците од една од најголемите вулкански ерупции во историјата на Земјата, наишле на откритие кое може да обезбеди научно објаснување за одредени феномени опишани во Библијата, пренесува „Спутник“.
Според извештаите, истражувачите користеле радиојаглеродно датирање за испитување на маслиново гранче пронајдено закопано под протокот на лава за да се утврди дали вулканската ерупција Тера на островот Санторини, која претходно била датирана во 16 век п.н.е., се случила еден век порано , приближно во истото време кога проучувачите на Библијата вверуваат дека се случил егзодусот.
Ова откритие може да ѝ даде кредибилитет на теорија предложена од египтологот Ханс Гедикке, која тврди дека делењето на Црвеното Море може да се објасни со цунами предизвикано од ерупција Тера.
Меѓутоа лидерот на студијата, д-р Шарлот Пирсон, не сакаше директно да каже дали нејзините сознанија би помогнале за датирање на егзодусот, посочувајќи само дека континуираната работа за подобрување на хронолошките рамки е суштинска за проучување на минатите цивилизации.
„Во моментот нема дефинитивно калибрирано радиојаглеродно датирање за ерупцијата Тера, но променетата позицијата на платото 14Ц укажува на тоа дека подобрената калибрација има многу да понуди за хронолошка синхронизација на човечките и еколошките временски текови во овој период”, вели таа за „Тајмс оф Израел“.
Претходно во јануари, археологот задолжен за археолошко ископување во израелскиот град Кирјат Јеарим откри дека таа област е можната локација на митскиот Ковчег на Заветот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.