Македонија
Министерството за животна средина: Прочистителната станица ќе се гради во 2020 година
Реализацијата на проектот за изградба на централна пречистителна станица за отпадни води за Град Скопје била во фокусот на средбата што денеска ја остварија министерот за животна средина и просторно планирање, Садула Дураки, и Лин О`Грејд, заменик-раководител за локална инфраструктура и животна средина на Европската банка за обнова и развој (ЕБОР).
„Иако проектот е во напредна фаза, со подготвена документација во 2017 година со поддршка на француската Влада и компанијата ЕГИС, во моментов со поддршка на меѓународни финансиски институции, како ЕБОР и ЕИБ, се врши дополнување на Студијата за изводливост, оцената на влијание врз животната средина согласно со барањата на меѓународните финансиски институции и подготовка на тендерската документација за пречистителната станица за отпадни води за Град Скоје. Вкупната вредност на инвестицијата, за кој ЕБОР И ЕИБ пројавиле интерес, изнесува 120 милиони евра. Градежните работи за истата ќе почнат во 2020 година“, велат од Министерството.
Во моментов, како што додаваат од Миистерството, преку Инвестициската рамка за Западен Балкан, во соработка на Министерството за животна средина и просторно планирање и ЈКП „Водовод и канализација“ Скопје се одобрени грант-средства во висина од 350.000 евра за ЈКП „Водовод и канализација“, за воспоставување на оперативна структура и подготовка на фазата на имплементација.
На состанокот, меѓу другото, се разговарало и за поддршката што Република Македонија и Министерството за животна средина и просторно планирање ја имаат од ЕБОР во реализација на проекти за заштита на животната средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.