Македонија
Независната пратеничка група на средби со Даниелсон и Жбогар
Независната пратеничка група од ВМРО ДПМНЕ и коалицијата „За подобра Македонија“ оствари средба со директорот на Директоратот за проширување во Европската комисија, Кристијан Даниелсон, и евроамбасадорот Самуел Жбогар.
„На средбата беа вреднувани нашите заложби да помогнеме во важните реформски процеси кои ` претстојат на Македонија. Како најважни точки беа издвоени реформите во судството, корупцијата, безбедноста и администрацијата. Овие прашања се од исклучително значење за Македонија. Независната пратеничка група ќе биде коректив и ќе се бори за подобри законско решенија и нивна доследна имплементација. Го афирмиравме ставот дека Македонија заслужува шанса во јуни да ги почне преговорите за влез во ЕУ“, соопшти пратеничката по средбата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кисела Вода го субвенционира дневниот оброк на социјално загрозените деца од училиштата и престојот во градинките
Општина Кисела Вода повторно го субвенционира дневниот оброк на социјално загрозените деца од училиштата и престојот во градинките од овој дел на градот.
Од денес е распишан јавниот повик во кој се дефинирани критериумите за аплицирање од страна на социјално ранливите семејства кои имаат дете во продолжен престој во основните училишта или градинките на подрачје на општината и користат топол оброк за време на престојот. Согласно Правилникот за субвенционирање на месечните сметки за дневниот оброк во продолжен престој во училиштата, Општина Кисела Вода ќе субвенционира средства во висина од 50%, но не повеќе од 80% од предвидената сума за периодот додека трае учебната година. Ослободувањето од партиципација за децата кои ги исполнуват критериумите и посетуваат јавна детска градинка ќе биде целосно.
-Продолжуваме со мерките за создавање еднакви можности за сите деца, без разлика на нивиот социјален и финансиски статус. Од денес отворивме јавен повик преку кој ќе ги субвенционираме месечните сметки за дневниот оброк во продолжениот престој во општинските основни училишта, како и средства за субвенции за целодневниот престој на децата од семејства во социјален ризик во јавните детски градинки. Оваа мерка ги опфаќа децата од еднородителски семејства, самохрани родители, деца сместени во згрижувачки семејства и деца под старателство, деца од семејства корисници на гарантирана минимална помош, како и за други социјално-ранливи категории. Воспитно-образовните установи се места каде што нашите најмлади треба да се социјализираат, дружат и обрзовно да се надградуваат и не смееме да дозволиме на било кое дете да му биде ускратено правото на оброк или други основни потреби само заради финансиските неприлики дома. Оттука, покрај оваа излеговме и со сет од други мерки кои значат финансиско олеснување за родителите- бесплатни ранчиња за сите првачиња, бесплатни униформи за сите ученици во општинските основни училишта, бесплатни часови по странски јазици, информатика и спорт, а во текот на учебната година оваа листа ќе биде дополнета и со мноу други мерки-изјави градоначалникот Орце Ѓорѓиевски.
Повикот е отворен од денес, 30.09.2024 и трае пет работни дена. Сите дополнителни информации, критриумите и потребната документација се достапи на веб страната на општина Кисела Вода на следните линкови:
https://opstinakiselavoda.gov.mk/wp-content/uploads/2024/09/obrok.pdf
https://opstinakiselavoda.gov.mk/wp-content/uploads/2024/09/obrokgrad.pdf
Македонија
МВР жестоко ќе одговори на секој обид за дестабилизација, за Тошковски подгревањето на меѓуетничките тензии е реалност на која работаат службите
Обидите за подгревање на меѓуетничките тензии се реалност за која надлежните служби проследуваат соодветни информации, рече денес министерот за внатрешни работи Панче Тошковски на отворањето на регионален центар за обука во полицискиот центар во Ѓорче Петров. Тој уверува дека Министерството за внатрешни работи е подготвено да одговори на предизвици кои ќе бидат насочени кон дестабилизација на земјата.
„Доколку има такви предизвици во иднина, жестоко ќе одговориме. МВР е подготвено соодветно да одговори на секое она дејствие кои ќе биде насочено кон дестабилизација на државата. Многупати досега во јавноста беше истакнато дека службите во рамки на институционалните форми кои што ги имаме во државата, а се занимаваат со овој тип на надлежност, проследуваа и проследуваат соодветни информации до надлежните раководни органи, а истите беа споделувани соодветно и со премиерот и со претседателката. Сето она кое сме го говореле во минатото од аспект на обиди, видовме дел од нив во овие месец дена, од аспект на обиди за подгревање меѓуетнички тензии, дека се реалност. Соодветно одговоривме, соодветно ќе одговориме и во иднина“, рече министерот Тошковски.
Под соодветен одговор, министерот Тошковски појасни дека подразбира делување на соодветните капацитети за одговор на обидите за дестабилизација на начин кој што ќе биде потребен за секој граѓанин да се чувствува безбеден.
Меѓуетничките тензии посебно ги подгреа замрзнувањето на балансерот кој гарантираше процентуална застапеност на малцинставата при вработување во јавниот сектор. Балансерот престана да важи пред две недели кога Уставниот суд поведе постапка за одредби од Законот за вработени во јавен сектор, Законот за административни службеници и Правилникот за задолжителни елементи на јавниот оглас при вработување во јавен сектор, кои беа оспорени од страна на Државната комисија за спречување на корупција.
Македонија
Се соочивме со деструктивна опозиција, имаа осум години за балансерот, Законот за јазиците, а сега ја злоупотребуваат судската власт : Меџити за првите сто дена Влада
Демократско правило е првите сто дена да ѝ се дадат на новата власт да ги постави луѓето и да почне да практикува власт, но ние се соочивме со деструктивна опозиција, која секојдневно критикува, истакна првиот вицепремиер и министер за животна средина и просторно планирање, Изет Меџити.
„Отворија некои работи од минатото што не ги затвориле, како што е Законот за јазиците, балансерот, Бадентер, имаа доволно време, осум години да ги решат, но не ги решија, и сега ја злоупотребуваат и судската власт за дневна политика.
За жал, како што рече, ги инструментализираат за дестабилизација и за сеење магла за да се спасат од одговорност.
„Ова не е оправдување, за жал, ги инструментализираа за дестабилизација и за сеење магла за да се спасат од одговорност. Ова не е оправдување, ние и покрај ова, секојденвно бевме посветени на нашите ветувања и нашата програма. Како што ветивме, има силна борба против казино-бизнисот. Во овие сто дена Влада имаше одлука на Владата за 35 милиони евра за универзитетскиот кампус ‘Мајка Тереза’, со што покажуваме дека сме посветени на подобро и поквалитетно образование, така ќе продолжиме на сите нивоа на образование. Од сите 80 општини веќе има апликации за проекти за конкретни решенија за проблеми со кои се соочуваат граѓаните, ќе се доделат 100 милиони евра оваа година, а 900 милиони во наредните 3-4 години. Со ова покажавме дека сме посветени на децентрализацијата, која е најблиска власт на граѓаните и столб на Рамковниот договор“, истакна Меџити.
Според него, евроинтеграцискиот процес беше е и ќе остане еден од клучните приоритети на Владата.
Тоа, како што појасни, е единствената алтернатива за сите граѓани.
Најави и дека граничните премини Табановце, Блаце, Ќафасан, ќе имаат one stop shop, со што значително ќе се олесни протокот на луѓе и стоки и ќе се намалат доглите чекања.