Регион
Српскиот политичар кој се бакнуваше со тинејџерка се врати на работа
На почетокот на декември минатата година беше уапсен заменик-градоначалникот на српскиот град Бор, Борко Бранко Периќ.
Против него се води судска постапка за сексуално вознемирување на 15-годишно девојче откако во јавноста беа објавени фотографии на кои тој бакнува тинејџерка во уста.
Покрај во општината, Периќ бил вработен во Институтот за рударство и металургија во Бор, а сега се вратил на работа.
Фотографиите на кои 60-годишниот Периќ го бакнува 15-годишното девојче беа објавени лани, на почетокот на декември. Периќ веднаш поднесе оставка. Во објаснувањето на одлуката за повлекување од местото заменик-градоначалник, Периќ рекол дека го направил тоа од лични причини.
Периќ рекол дека фотографиите се случиле кога ѝ честитал на тинејџерката дека добро украсила некоја сала и додал дека и останатите девојки кои биле ангажирани ги поздравил на ист начин.
„Имавме состанок во локалниот Дом на културата и имаше девојки кои ја украсуваа салата. Дојдов и видов дека работата е одлична и им честитав“, рекол Периќ.
Тинејџерката негираше каква било врска со Периќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.