Црна хроника
Двајца пешаци со тешки повреди во сообраќајки во Кумановско и Битола
Двајца пешаци, односно старец од Куманово и девојка од Битола, се здобиле со тешки повреди откако биле удрени од автомобили во две одделни соораќајки на регионалниот пат Куманово – Свети Николе, односнo во Битола.
Како што информираат од МВР, првата незгода се случила во раните утрински часови на 4 февруари на регионалниот пат Куманово – Свети Николе, кога автомобил „даеву тико“ со кратовски регистарски ознаки удрил во 85-годишен пешак од Куманово. Автомобилот го управувал 41-годишен кратовец, а пешакот се здобил со тешки повреди, по што бил пренесен во Ургентен центар Куманово.
Во втората сообраќајка, во вечерните часови на 4 фавруари, на битолскиот булевар 1 Мај, автомобил „мерцедес“ со битолски регистарски ознаки удрил во 27-годишна девојка која пешачела. „Мерцедесот„ го управувал 43-годишен битолчанец, а девојката од ударот добила тешки повреди и со возило на брза помош била пренесена во клиничката болница во градот.
И по двете сообраќајки, увид извршиле полициски екипи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.