Свет
(Видео) Уапсена жена која го подметнала пожарот во Париз
![](https://makfax.com.mk/wp-content/uploads/2019/02/190205-paris-fire-mc-8424_099ba03ebfbf9e0f5046010ab50c825c.fit-2000w.jpg)
Девет лица загинаа, а над 50 се спасени од пожар во станбена зграда во југозападниот дел на Париз.Во огнената стихија, повредени се околу 30 лица, меѓу кои и шетмина пожарникари. Едно лице се наоѓа во критична состојба. Полицијата приведе 40-годишна жена, која имала психички проблеми и за која се смета дека го подметнала пожарот.
Les premières photos de l'incendie rue Erlanger à #Paris sont impressionnantes. On voit que plusieurs étages ont été ravagés par les flammes.
Photos B. Moser / BSPP pic.twitter.com/rGb30Q0sUi— Hugo Puffeney (@puffeney) February 5, 2019
Огнот го зафатил седмиот и осумиот кат на зградата. Пожарот избувнал околу еден час по полноќ, а многу станари избегале на покривот, или се качувале на прозорците за да се спасат.
Incendie rue Erlanger 16e arrondissement de Paris, dernier bilan : 7 personnes décédées, 1 urgence absolue et 30 relatives dont 6 pompiers (source @PompiersParis ) pic.twitter.com/FkTNf0LVgA
— Aurélie Sarrot (@aureliesarrot) February 5, 2019
Околу 200 пожарникари се вклучени во гаснењето на пожарот кои помагаат во спасувањето на заробените на покривот. Околните згради во елитна населба во близина на Ајфеловата кула се евакуирани.
Францускиот министер за внатрешни работи, Кристоф Кастанер рече дека осомничената жена имала проблеми со менталното здравје.
,,Сакам да ја поздравам пожртвуваноста на пожарникарите во Париз”, рече тој. “Повеќе од 250 луѓе пристигнаа веднаш и, во текот на ноќта, спасија повеќе од 50 луѓе во навистина исклучителни услови”.
Обвинителот Реми Хаиц изјави дека властите се сомневаат дека станува збор за кривично дело. Зградата се наоѓа во елитен дел на градот, на помалку од еден километар од стадионот на Ролан Гарос, кој е домаќин на тенискиот турнир во Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Нема струја, водата носи мостови, расте бројот на исчезнати во Швајцарија (ВИДЕО)
![](https://makfax.com.mk/wp-content/uploads/2017/07/oBK9lwTeiv-i-istanbul-pod-voda-poplavite-predizvikale-haos-i-vo-turcija.jpeg)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.