Забава
Лекар шие ќебенце за секое бебе на кое ќе му помогне да дојде на овој свет
Ерик Бостром, лекар во Здравствениот центар „Ривервуд“ во Минесота, САД, е толку среќен за секое бебе на кое ќе му помогне да дојде на овој свет што за секое шие уникатно ќебенце. Кога ќе заврши со работата и ќе дојде дома, тој седнува зад машината за шиење, и тоа го прави повеќе од две години.
For every baby he delivers, Dr. Erik Bostrom of Aitkin Minnesota makes a custom quilt for each one. http://www.fox9.com/news/aitkin-minn-doctor-sews-a-custom-blanket-for-each-new-child-he-helps-deliver
Gepostet von Minnesota Quilters, Inc. am Mittwoch, 12. Dezember 2018
Ќебенцата се персонализирани и изработени со многу љубов и елан.
Dr. Erik Bostrom takes up a new hobby of sewing and embroidering blankets for every newborn he delivers at Riverwood….
Gepostet von Riverwood Healthcare Center am Dienstag, 11. Dezember 2018
Тој дури посетувал курс за шиење со цел неговите подароци за бебиња да бидат совршени. На секое ќебе се навезени името и презимето на бебето, датумот на раѓање, родилната тежина и должина.
Gepostet von Riverwood Healthcare Center am Dienstag, 27. November 2018
„Дојдовме на контрола две недели по нејзиното раѓање, а д-р Бостром рече: ‘Имам нешто за вас’. Потоа извади прекрасно розово ќебенце. Тој наоѓа време во својот зафатен распоред на работа да направи нешто толку прекрасно за своите пациенти. Навистина е посебен. Тоа на мојата ќерка ќе ѝ биде спомен за цел живот“, рече Лачи Хиелат, една од мајките што ги породи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Нов пресврт во правната сага меѓу Блејк Лајвли и Џастин Балдони: нејзината тужба останува, неговата падна
Правната битка меѓу ѕвездите од „Тоа завршува со нас“ има нов епилог. Актерот и режисер Џастин Балдони ја повлече својата контратужба за клевета од 400 милиони долари против колешката Блејк Лајвли откако го пропушти клучниот рок за повторно поднесување.
Според Ролинг Стоун, федерален судија официјално ја заврши тужбата на Балдони. Неговиот случај првично беше отфрлен во јуни, но му беше дадена можност да ја измени и повторно да ја поднесе. Сепак, судијата Луис Лиман, кој го надгледува случајот, забележа дека Балдони и неговата компанија, „Вејфарер студиос“, не успеаја да го исполнат рокот од 17 октомври или да одговорат на судската наредба.
Додека случајот на Балдони против Лајвли сега е затворен, нејзината тужба против него за сексуално вознемирување и одмазда е сè уште активна и во тек. Балдони ја поднесе својата тужба како одговор на нејзините обвинувања.
Забава
Тамара Глоба предвидува блескав ноември за четири хороскопски знаци
Познатиот руски астролог Тамара Глоба предвидува дека ноември ќе донесе среќа и нов почеток за четири хороскопски знаци – Близнаци, Рак, Вага и Водолија.
Глоба најавува „крај на еден вознемирувачки период и почеток на посветла етапа“, со големи промени и нови можности.
Близнаци – ќе почувствуваат налет на креативна енергија, хармонија во љубовта и финансиска стабилност, но со потреба од внимателност во приватниот живот.
Рак – ќе уживаат во професионален напредок и профитабилни можности; крајот на месецот ќе бара повеќе внимание кон семејството.
Ваги – ги очекуваат нови средби, деловни понуди и лични промени; успехот ќе ги следи ако носат промислени одлуки.
Водолии – ќе имаат поддршка од блиските и пријателите, а во деловниот сегмент ќе им се отворат нови извори на приход.
Според Глоба, ноември ќе биде период на нови можности, финансиска стабилност и личен раст, но ќе бара мудрост и внимателност во одлуките.
Забава
Мајка ѝ е кралица нa „Ноќта на вештерките“, но и Лени Клум воодушеви со својот костим
На годинешната забава на Хајди Клум за „Ноќта на вештерките“ во Њујорк, во центарот на вниманието беше нејзината ќерка Лени Клум, која со креативниот костим го привлече вниманието на сите.
Дваесет и едногодишната манекенка се претстави како ликот Камил Крим од детската книга „Необичниот случај со пругите“. и го обои целото тело во шарени пруги – еден од највпечатливите костими на вечерта.
Хајди Клум се појави како Медуза, нејзиниот сопруг Том Каулиц како сребрен витез, а неговиот брат близнак Бил Каулиц како Сејлор Мун. На забавата присуствуваа и останатите деца на Клум од бракот со Сил.

