Свет
Тајландска принцеза и ѕвезда од ТВ-сапуници во трка за премиер на земјата
![](https://makfax.com.mk/wp-content/uploads/2019/02/tzh6tz7hjzujtzujtuiik.jpg)
Сестрата на тајландскиот крал влезе во трката за премиерската фотелја како главен кандидат на популистичката партија лојална на Тахсин Шинаватра, кој во 2006 година беше соборен од премиерската функција со воен пуч. Ова е случај без преседан во кралското семејство, пренесува агенцијата „Ројтерс“.
Принцезата Уболратана Раџакања Сиривадана Барнавади (67) е постара сестра на кралот Маха Ваџиралонгкорна, исто така е позната по тоа што глумела во тајландски сапуници и со години живеела во Калифорнија.
Еден од нејзините главни ривали на изборите на 24 март ќе биде актуелниот премиер Прајут Чан-оча, лидер на владејачката воена хунта, кој исто така денеска ја објави својата кандидатура.
Според него, кандидатурата на принцезата претставува прекршување на законите кои забрануваат политичките партии да ја користат монархијата во своите кампањи.
Тајланд е уставна монархија од 1932 година, но кралското семејство има големо влијание и ужива поддршка од милиони граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Трамп вели дека може да ја запре војната за еден ден, Путин: Тој е сериозен
![](https://makfax.com.mk/wp-content/uploads/2024/07/Screenshot-2024-07-04-182338.jpg)
Рускиот претседател Владимир Путин денеска изјави дека гледал делови од дебатата меѓу Џо Бајден и Доналд Трамп и дека сепак претпочита Бајден да биде новиот американски претседател.
Запрашан дали Бајден или Трамп се подобри и дали неговата преференца за Бајден се променила по дебатата, Путин рече: „Ништо не се смени“.
„Дали знаевме што може да се случи? Знаевме“, додаде тој. Путин неколку пати јавно кажа дека го претпочита Бајден отколку Трамп, дури и откако Бајден го нарече „луд кучкин син“.
На прашањето за изјавите на Трамп дека доколку победи на изборите може да ја прекине војната во Украина во рок од 24 часа, Путин рече дека Русија го сфаќа сериозно, но дека не знае никакви детали од мировниот предлог на Трамп.
„Фактот што господинот Трамп е претседателски кандидат покажува дека тој е подготвен и сака да ја запре војната во Украина, ние го сфаќаме тоа сериозно“, рече Путин.
„Се разбира, не сум запознаен со предлозите за тоа како тој мисли да го направи тоа. Тоа е клучно прашање. Но, нема сомнеж дека тој е сериозен во врска со тоа и ние го поддржуваме“, додаде тој.
Регион
Српските цариници запреле порше, во долната облека на жената нашле околу 60 илјади евра
![](https://makfax.com.mk/wp-content/uploads/2024/07/porshe-carina.jpg)
Цариниците на граничниот премин Градина меѓу Бугарија и Србија во соработка со полицијата спречија патничка да прошверцува речиси 57.000 евра преку граница во долна облека која ја носела.
Случајот бил откриен кога на контролната линија на излез од државата пристигнало „порше кајен“ со странски регистарски таблички, во кое двајца патници патувале од Германија кон Турција.
Иако пријавиле само личен багаж и дозволената сума на готовина, при претресот во долната облека и градникот на сопатникот биле пронајдени 56.800 евра. Понатамошна проверка открила уште 18.000 евра во чантата на возачот.
На патниците им се вратени по 10.000 евра, сума што може да се префрли преку граница без пријавување, додека за судбината на преостанатиот износ од 54.800 евра ќе одлучува надлежниот суд, пишува српски Блиц.
Свет
(Видео) Руските комичари кои ги насамарија европските политичари ја добија највисоката државна награда
![](https://makfax.com.mk/wp-content/uploads/2024/07/vovan-leksus.jpg)
Руското дуо измамници, кои често успеваат да насамарат политичари интересни за руската држава, ја добија највисоката државна награда на Кремљ, јави денеска државната новинска агенција РИА.
Тоа се Владимир Кузњецов и Алексеј Столјаров, кои ги користат псевдонимите Вован и Лексус, а РИА ја објави нивната фотографија направена на доделувањето на наградата во Кремљ со чаши шампањ во рака. Церемонијата се одржа вчера.
Наградата се доделува на руски и странски државјани. Критериумите за неговото доделување се зајакнување на мирот, пријателството, соработката и разбирањето меѓу Русија и другите народи.
Во јуни, Кузњецов и Столјаров објавија снимка од видео повик со британскиот министер за надворешни работи Дејвид Камерон, кој падна на нивната измама. Го натераа да помисли дека разговара со поранешниот украински претседател, а со нив разговараше за Украина, САД и НАТО околу петнаесет минути.
Дуото е добро познато во Русија бидејќи со годините успеа да измами бројни политичари. Меѓу нив се италијанската премиерка Џорџа Мелони, турскиот претседател Реџеп Таип Ердоган, а во 2022 година успеаја да го измамат и тогашниот британски министер за одбрана Бен Валас.