Свет
Околу 3,5 милиони Украинци ќе имаат потреба од хуманитарна помош во 2019 година
Годинава околу 3,5 милиони граѓани на Украина можат да имаат потреба од хуманитарна помош, посочи помошник генералниот секретар на ОН за хуманитарни прашања и заменик-координатор за итна помош, Урсула Милер, на седницата на Советот за безбедност на ОН за Украина во вторникот.
„Цивилите и понатаму плаќаат највисока цена. Повеќе од 3.300 цивили се убиени, а 9.000 беа повредени од почетокот на конфликтот во 2014 година”, рече таа.
„Во 2019 година, 3,5 милиони луѓе ќе имаат потреба од хуманитарна помош и заштита, од кои многумина се постари лица, жени и деца. За повеќето од нив, влијанието на конфликтот се продлабочи”, продолжи официјалниот претставник на ОН.
Милер, исто така, рече дека само во 2018 година, 89 инциденти влијаеле врз водоводнита и канализациската инфраструктура, а во последните 12 месеци, 12 работници на водоводот биле повредени во непријателски напади и експлозии на мини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.