Забава
Мистичниот црн леопард навистина постои – направени први фотографии по 100 години
Биолозите направија ретки снимки од елегантната голема мачка како величествено се движи во Кенија. Ова е прва фотографија на африканскиот црн леопард од 1909 година, вели Ник Пилфолд, научник за конзервација од Зоолошката градина во Сан Диего.
Тој вели дека снимките се направени по неколку месеци гледање и чекање. Неговиот тим биолози поставил далечински камери за да ги следат леопрадите во близина на област за која добиле информации дека се појавиле црни леопарди.
„По неколку месеци, бевме наградени со повеќе снимки направени од нашите камери“, вели тој.
Бојата на крзното на женскиот леопард е темноцрна како резултат на меланизам, генетска мутација што е спротивна на албинизмот. Иако преку ден неговото крзно изгледа црно, во текот на ноќта добива посветли нијанси.
Иако имало извештаи дека бил забележан црн леопард, кој исто така е познат и како црн пантер, последната фотографија е направена во Етиопија пред повеќе од еден век.
„Многу е веројатно дека црните леопарди цело време живеат во Кенија, но недостигале само фотографии за да го потврдат тоа“, вели Пилфолд.
Црните леопарди се нешто помали од оние со нормална боја, а црната боја на крзното е наследна. Црниот леопард може да се види во Кина, Мјанмар, Непал, јужна Индија, Јава и во Африка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Заљубениот Ричард Гир не се раздели од сопругата на црвениот тепих
Холивудскиот актер Ричард Гир пристигна со сопругата Алехандра Силва на филмскиот фестивал во Цирих, каде се одржа премиерата на филмот Wisdom for Happiness.
75-годишниот Гир не можел да го сокрие ентузијазмот за неговата сопруга, која е 34 години помлада, со која има два сина.
Фотографите ги снимиле нивните допири и прегратки на црвениот тепих.
Актерот и 41-годишната Алехандра се венчаа во 2018 година. Сопружниците имаат два сина, 5-годишниот Александар и една година помладиот Џејмс, додека Алехандра од претходниот брак го има 9-годишен Алберт, а Гир 24-годишниот Хомер.
Забава
Меланија за првата средба со Трамп: Беше на состанок со друга жена и ми го побара бројот
Меланија Трамп се присети на нејзината прва средба со Доналд Трамп во своите мемоари. Таа призна дека Трамп бил на состанок со друга жена кога ја забележал и почнал да флертува со неа.
Меланија во книгата објаснила дека била на забава на Модната недела во 1998 година со пријател кога Доналд им пришол и покрај тоа што бил во друштво со друга жена.
„Здраво. Јас сум Доналд Трамп – рече човекот кога дојде до мојата маса“, напиша таа. Иако го препознала името, таа не знаела ништо за Доналд.
Ја пружи раката кон неа и започна разговор. „Неговите очи беа исполнети со љубопитност и интерес. Ја искористи можноста, седна на мојата маса и започна разговор. Ме праша за времето поминато во Њујорк, мојот дом во Словенија и моите патувања низ светот“, се сеќава Меланија.
Иако тоа беше кратка средба, Меланија вели дека оставила траен впечаток.
„Од моментот кога започна нашиот разговор, ме плени неговиот шарм и леснотија. Имаше толку многу раздвижена активност околу нас, но неговата намера да се фокусира на нашата интеракција ме натера да се чувствувам како да сум во центарот на неговиот свет“, пишува поранешната прва дама на САД.
„Тоа беше освежувачки одмор од вообичаениот површен разговор и се најдов себеси привлечена од неговата енергија“, додаде таа.
Сепак, Доналд тогаш не бил сам, туку бил придружуван од друга жена. „Кога таа замина за момент, ми го побара бројот на мобилниот телефон“, рече таа. Меланија го одбича, што го изненадило. Наместо тоа, Меланија побарала од Доналд да и го даде својот број, што тој со задоволство го прифатил под еден услов.
„Ќе ти го дадам мојот број ако ветиш дека ќе се јавиш“, ѝ рекол тогаш, се сеќава Меланија.
Забава
Додека за Бијонсе се шири морничава теорија на заговор, таа ужива на црвениот тепих со нејзината мајка
Иако деновиве се шири морничава теорија на заговор за Бијонсе, по апсењето на раперот Шон Диди Комбс, според која таа е стравот и трепет на музичката индустрија, тоа не ја спречи да ужива на социјален настан.
Таа присуствуваше на наградите Glamour Women of the Year во Њујорк. Бијонсе беше придружувана од нејзината мајка Тина Ноулс и нејзината најдобра пријателка и поранешна колешка од бендот Destiny’s Child, Кели Роланд.
Судејќи по фотографиите, таа не е загрижена што зборува јавноста за неа. Уште повеќе, таа блескаше од среќа, облечена во светло жолта маица со кратки ракави и златно здолниште. Аутфитот го комплетираше со соодветен ремен, неутрална шминка, проѕирни ракавици и долга бунда.