Свет
Европа не ги сака назад своите граѓани борци на ИД како што бара Трамп
Трамп побара од европските земји да ги вратат дома и судски да ги гонат џихадистите заробени во Сирија, но барањето наиде на доста мешана реакција, при што Германија изрази правна загриженост во врска со ваквиот потег, а Данска одлучно и потполно го отфрли барањето, пренесува РТ.
Барањето беше објавено на твитер-профило на американскиот претседател во неделата: „Опциите за Европа се едноставни – да ги вратат назад исламистите од Исламска држава или САД и милитантите во Сирија што им се подредени ќе бидат принудени да ги ослободат“.
Повикот беше слушнат, но некои земји категорично го отфрлија.
„Зборуваме за најопасните луѓе на светот. Не треба да ги вратиме”, рече портпаролот на данската премиерка, Ларс Локе Расмусен, отфрлајќи го повикот на Трамп како избрзан и тврдејќи дека ситуацијата во Сирија е далеку од стабилна.
Германија беше посуптилна во отфрлањето на барањето на Трамп објаснувајќи дека, теоретски, германските државјани кои се бореле во редовите на ИД имаат право да се вратат, но дека, сепак, одредени правни пречки го спречуваат нивното враќање во моментот.
Белгиската влада беше фатена на препад од објавениот ултиматум, па белгискиот министер за правда, Коен Генс, го обвини Трамп дека ги непријатно ги изненадил европските сојузници со своето барање.
Без директно да одговори на барањето на Трамп, францускиот државен секретар, Лорен Нуњез, изјави дека Франција верува оти курдските милиции, поддржани од САД, нема да дозволат заробените џихадисти од Франција да се движат слободно.
„Станува збор за Курдите и ние имаме потполна доверба во нивната способност да ги сочува џихадистите в затвор“, изјави Нуњез за францускиот радиодифузер БФМТВ во неделата.
Сепак, тој ја прифати можноста дека Франција на крај можеби ќе мора да се справи со враќањето на странските борци, но нагласи и дека за сите нив има тековни судски постапки и дека сите ќе завршат в затвор.
Во Велика Британија, каде што актуелната сага околу британската џихадистичка невеста Шамима Бегум ја разгори дебатата дали да ги вратат назад британските државјани кои се бореа со терористите во Сирија, се чини дека постојат две мислења.
Британскиот министер за внатрешни работи, Саџид Џавид, се залага за одземање на британското државјанство на опасните поединци кои се враќаат во Британија, истакнувајќи дека оваа опција, една од неколкуте достапни, досега е применета повеќе од 100 пати. „Втората опција, според Џавид, е да се гонат повратниците без оглед на нивната возраст и пол.
Секретарот за култура, Џереми Рајт, беше помек во својата реторика, па во неделата изјави дека обврска на владата е барем во некоја фаза да ги земе назад овие борци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Кога мислиш дека не можат да паднат пониско тие ќе те демантираат“Јованов: Ѓилас полуде од омраза кон Вучиќ
Народниот пратеник Миленко Јованов реагираше на изјавата на Драган Ѓилас, кој со потсмев изјави дека на балконот треба да се пречека претседателот Александар Вучиќ по резолуцијата за Сребреница во ОН, како и спортистите по нивните победи.
Јованов остро го прекори Ѓилас, наведувајќи дека опозиционерите ги полудува омразата кон претседателот на Србија.
Кад год помислиш да не могу да падну ниже, они те демантују. Од мржње према @avucic потпуно помахнитали…
Шта је то тачно за спрдњу, а у вези је са председниковим надљудским напорима да осујети идеју да нам се наметне жиг геноцидног народа? Шта је тачно спорно у томе да је у… pic.twitter.com/p54rCl06oA
— Миленко Јованов (@MilenkoJovanov) May 24, 2024
„Секогаш кога мислиш дека не можат да паднат подолу, тие те демантираат. Целосно полуден од омразата кон Александар Вучиќ. Што точно е ова потсмев и дали е поврзано со натчовечките напори на претседателот да ја осуети идејата да ни го наметне брендот на геноциден народ? Што точно е спорно во тоа што во дадените околности го постигна максимумот за оваа земја и народ и многу повеќе од што се надеваше некој? Не само во Србија. Што направи големиот опозициски лидер во оваа насока сите овие недели за својата земја? Кој во светот го покани? Кому ја објасни позицијата на својата земја и последиците од таквата одвратна шега во форма на германска резолуција? На никој. Наместо тоа, со денови се караше со Сава Манојловиќ, како некоја тетка“ напиша Јованов на социјалната мрежа Икс.
Драган Ѓилас се огласи на социјалната мрежа Икс за претседателот на Србија Александар Вучиќ и неговиот настап пред ОН во врска со резолуцијата.
„Балкон за Вучиќ! Кога тоа беше можно за кошаркарите, Ѓоковиќ, ватерполистите по нивните победи, тогаш време е да се организираме и за Вучиќ! – напиша Драган Ѓилас на Икс.
Свет
Борел: Признавањето на палестинската држава не е подарок за Хамас
Високиот претставник на ЕУ за надворешна политика и безбедност Жозеп Борел денеска изјави дека признавањето на палестинската држава не е подарок за палестинската милитантна група Хамас.
„Признавањето на палестинската држава не е подарок за Хамас, напротив“, изјави Борел, наведувајќи дека палестинските власти не се Хамас и дека, напротив, тие се длабоко конфликтни, пренесе Ројтерс.
Борел истакна дека ЕУ веќе ги финансирала палестинските власти и се сретнала со нив и посочи дека секогаш кога некоја земја ќе донесе одлука да поддржи палестинска држава, Израел тоа го прогласува за антисемитски напад.
Ирска, Норвешка и Шпанија во средата објавија дека ќе ја признаат палестинската држава на 28 мај за да обезбедат крај на израелската офанзива на Појасот Газа и да ги оживеат мировните преговори кои беа во застој пред една деценија.
Свет
Повеќе од 20 луѓе на летот со турбуленции добиле повреди на ‘рбетот, мозокот и черепот
Повеќе од 20 луѓе на летот на Сингапур Ерлајнс, кој во вторникот беше погоден од силни турбуленции, сè уште се на интензивна нега со повреди на ‘рбетот, мозокот и черепот, според болницата во Бангкок која лекувала некои од патниците, според Си-Ен-Ен.
Болницата во главниот град на Тајланд лекува 22 пациенти со проблеми со ‘рбетот и’ рбетниот мозок, шест со повреди на черепот и мозокот и уште 13 со проблеми со коските, мускулите или меките ткива, изјави нејзиниот директор.
Докторот додаде дека 17 пациенти биле оперирани, вклучително и операции на ‘рбетниот столб. Во инцидентот загина едно лице.
Патниците кои разговараа за медиумите откако авионот принудно слета во Бангкок опишаа дека некои патници и членови на екипажот биле фрлени околу кабината, удирајќи со главите во багажниот простор и виделе шокирани луѓе со крвави рани на нивните лица.
Џош Силверстон, еден од патниците на летот на Сингапур Ерлајнс, се опиша себеси како „среќен што е жив“ додека ја напушти болницата во средата вечерта.
Во разговор со новинарите, 24-годишниот британски државјанин рече дека во турбуленциите добил расекотина на окото и скршен заб, но дека неколку патници биле во многу полоша физичка состојба од него.
Силверстон ги опиша другите ефекти од итно слетување во Бангкок, велејќи дека почнал да повраќа, што го поттикнало да побара лекарска помош.
Многу патници појадувале во моментот на инцидентот. Видеото и сликите од внатрешноста на авионот по вонредното слетување во Бангкок го покажаа степенот на штетата, со скршени надземни прегради и воздушни маски за итни случаи кои висат над седиштата.
Еден патник загина, а повеќе од 30 се повредени на летот на „Сингапур ерлајнс“ од Лондон до Сингапур кој го погодија силни турбуленции.