Забава
81-годишна жена живее сама на изолиран остров за кој не се знае чиј е
81-годишна старица по смртта на нејзиниот сопруг живее сама на изолиран остров, за кој водат спор две земји и не се знае чиј е. Во 1991 година Ким Син-јеол и нејзиниот сопруг донеле необична одлука да се иселат на изолирани острови кои се наоѓале на средиштето на кавгата меѓу Јапонија и Јужна Кореја околу тоа на кого му припаѓаат.
„Во моментов под Сеул, островот Докдо се наоѓа во Источното Море”, велат од Јужна Кореја, додека Јапонија островите ги нарекува Такешима и тврди дека тие се во Јапонското Море.
Со години овој брачен пар бил единствениот кој живеел таму. Повремено поминувала полицијата, работници во светилникот или туристи, но само двајца луѓе останувале да живеат постојано на островот. Кога времето било лошо, островите со недели биле отцепени од надворешниот свет, но брачниот пар успеал да преживее со риболов. Ким, која е по потекло од островот Јеју, со години нуркала, рибарела и собирала школки.
Но, откако ѝ се нарушило здравјето во 2017 година, престанала со рибилов. Минатиот октомври починал нејзиниот маж, па 81-годишната жена останала да живее сама на вулканскиот остров. И покрај загубата, таа не планира да се пресели од островот.
„Таа вели дека ја релаксира животот на островот Докдо, дека таму има мир”, вели нејзиниот зет Ким Кјунг-чул.
Иако се далеку од двете земји кои се спорат околу сопственоста на островите, тие географски се поблиску до корејското копно отколку до Јапонија и се честа дестинација за туристи од Кореја.
Ким моментално живее со ќерката Ким Јин-хе во градот Поханг, на брегот на полуостровот, додека не заврши реновирањето на нејзиниот скромен дом на островот. Има и други лица коишто покажале интерес да се преселат на островите за да покажат дека ,,тоа е Кореја”, но државата тврди дека нема планови да потикне населување на островите.
„Постои простор само за едно домаќинство, а тоа е пополнето”, велат тие. Но, со оглед на нарушеното здравје на Ким, нејзината ќерка и зетот планираат да се пријават за постојани жители на островот и да живеат со неа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Џеј Ло и Афлек фотографирани заедно на натпревар, се бакнаа во образ пред папараците
Џенифер Лопез и Бен Афлек беа на кошаркарскиот натпревар на Семјуел, 12-годишниот син кој актерот го доби во бракот со Џенифер Гарнер.
Џеј Ло и Бен се сретнаа на влезот од салата во Санта Моника, Калифорнија. Актерот се смешкал, а кога се сретнале се бакнале во образ. На многу обожаватели ова им е чудно бидејќи претходно папараците често го снимаа парот како јавно разменува нежности.
Исто така, тие не се држеа за раце како обично. И покрај очигледните заладени односи меѓу нив, Бен сепак беше кавалер, па по натпреварот Џеј Ло ја отвори вратата од автомобилот, а потоа заедно тргнаа.
На спортскиот настан беше присутна и поранешната сопруга на Афлек, Џенифер Гарнер.
Забава
(Видео) Доаѓа серија базирана на една од најпопуларните игри на денешницата
Не само што доаѓа филм за Minecraft следната година, туку сега е објавено дека се планира и анимирана серија базирана на видео играта.
Minecraft беше објавен пред 15 години, а стриминг сервисот реши да направи анимирана серија која ќе биде адаптација на оваа ултра популарна игра.
„Ова ќе биде оригинална приказна со нови ликови и ќе го прикаже светот на Minecraft во ново светло“, соопшти Нетфликс.
Не се објавени повеќе детали, а познато е и дека за продукцијата е задолжено студиото WildBrain кое стои зад адаптациите како Sonic Prima и Ninjago.
Нема ни точен датум кога анимираната серија на Minecraft би можела да ја види светлината на денот, но Нетфликс напиша дека „доаѓа наскоро“.
Забава
По шпекулациите дека се разведува од Бен Афлек, Џенифер Лопез ја откажа турнејата
Оваа година е дефинитивно турбулентна за славната Џенифер Лопез. Нејзиниот нов албум „This is Me…Now“ помина доста слабо на платформите „Spotify“ и „Apple Music“ и не успеа да се најде меѓу првите топ 20 апсолутно никаде во светот.
Нејзиниот последен албум излезе на 16 февруари годинава и, според реакциите на публиката, не беше преслушан како што се очекуваше. Дури 13 песни наидоа на незаинтересираност кај публиката.
Таа доживеа уште една непријатност во областа на актерството, бидејќи нејзините последни филмски продукции наидоа на негативни критики и од филмската критика и од публиката.
Изгледа дека и недостига и среќата и во љубовта бидејќи со денови се шпекулира дека ќе се разведе од Бен Афлек.
За нештата да бидат уште полоши, денеска беше објавено дека Џенифер Лопез ја откажала светската музичка турнеја. Во соопштението до кое дојде „Гардијан“ се наведува дека таа по своја волја се откажала бидејќи сака да се посвети на своите деца, семејството и пријателите, но на социјалните мрежи се шушка дека вистинската причина е што не успеала да го продаде потребниот број билети за да започне турнејата.
Џеј Ло веќе со месеци е предмет на озборувања и критики, некои поради потенцијален развод, некои поради нејзиното однесување. Имено, разни приказни, од нејзините соработници, го запалија интернетот, па пејачката во неколку наврати беше окарактеризирана како „непријатна“. Ја нарекоа и лажга затоа што нејзината школска другарка објавила на нејзиниот профил на „Тик-ток“ дека Џеј Ло немала тешко детство во Бронкс, какво што и’ го претставила на јавноста.
„Пукна и време беше“, „Сега знае дека никој не ја сака, џабе се труди“, „Сега е појасно зошто Мараја Кери не ја поднесува“, „Кој уште ја слуша Џеј Ло“, се само некои од злобните коментари на мрежите.
Сега веќе откажаната турнеја требаше да биде прва по пет години, посветена на соло албумот и на истоимениот филм „This Is Me…Now“. Првиот концерт од серијата се очекуваше на 26 јуни во Орландо, Флорида, а последниот на 31 август во Хјустон. На сите што купиле билети преку Ticketmaster, организаторите на концертот „Live Nation“ им ветиле враќање на парите.