Македонија
Набавена нова механизација за работа на депонијата „Мегленци“
По 33 години, од страна на ЈП „Комуналец“ набавено и ставено е во функција ново возило за работа на депонијата „Мегленци“. Од Општина Битола велат дека градежната машина булдожер за работа на депонија, која чини 7.646.400 денари, е од голем бенефит за успешно работење на депонијата, како и навремено интервенирање во одредени ситуации, како, на пример, пожарите, при што во минатиот период, поради застарената механизација, процесот на интервенирање беше значително отежнат.
„Денес имаме работна посета во депонијата ‘Мегленци’, да го видиме она што е направено од страна на ЈП ‘Комуналец’. На мое задоволство, заштедата што ја направија со своето домаќинско работење изминатата година овозможи да набават ново возило што е во функија на работата на депонијата“, изјави градоначалничката на општина Битола, Наташа Петровска.
На овој начин, како што посочи, се намалуваат трошоците за сервисирање, се избегнува застој во работата, а се постигнува ефикасност и економичност во работењето.
„Минатата година, сведоци сме, имаше голем пожар. Сите тие искуства нам ни наметнаа како раководство да размислуваме за подобрување на состојбите со инвестирање во механизација во депонијата ‘Мегленци’. Од тие причини се одлучивме да набавиме булдожер, и тоа нов, така што, по 33 години, првпат на депонија ‘Мегленци’ се набавува нова механизација, со која значително ќе се подобрат можностите за поредовно насипување на отпадот и на тој начин да се намалат можностите од создавање нови пожари од поголеми размери. Јавното претпријатие успеа да набави едно вакво возило со плаќање во готово, што е навистина реткост, што значи со самото плаќање во готово добивме нова заштеда од 22.000 евра. По првата минатогодишна инвестиција во зголемување на платите на вработените во ЈП ‘Комуналец’, кои беа зголемени 8,3 проценти, во договор со работниците рековме дека оваа година ќе инвестираме во механизација. Оваа ни е прва набавка, а веќе се подготвуваме за нова, а до крајот на летото се надевам дека преку проектот ‘Симбиоза’, ќе биде набавено и донесено и новото возило за подигнување отпад“, изјави директорот на ЈП „Комуналец“, Панде Богоевски.
Директорот на јавното претпријатие најави дека и во следниот период продолжуваат инвестициите насочени кон подобрување на состојбите со депонијата „Мегленци“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.
Македонија
Остануваат уште 9 дена изборна кампања: партиските агенди и денеска набиени
Уште 9 дена изборна кампања. И денеска лидерите на партиите, заедно со носителите на листи, како и кандидатите за претседател, ќе ги презентираат своите изборни програми.
Кандидатот за претседател поддржан од СДСМ, Стево Пендаровски, денеска ќе оствари средба со жителите на село Велебрдо и со жителите на општина Маврово.
Гордана Силјановска Давкова, исто така, ќе има средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола.
Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид.
Во Штип на народен собир ќе се обрати претседателот на Левица, Димитар Апасиев.
Првиот човек на ДУИ, Али Ахмети, ќе се сретне со граѓаните на Струга и Дебар, а претседателот на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир.