Македонија
Амбасадорот на Велика Британија во посета на Општина Чаир
Проектите за стимулирање на диверзитетот за креирање едно општество што треба да опстојува врз темелите на меѓусебното почитување помеѓу различните култури и за правилното едуцирање на младите генерации во духот на прогресот се неизбежни приоритети кои се дел од работните маси на институциите и тема на нивната професионална соработка. Токму во рамките на активностите на проектот „Зајакнување на отпорноста против насилниот екстремизам“, реализиран под раководство на организацијата Centre for Common Ground, кој се стреми кон реализирање на токму овие цели, се реализира денешната работна средба помеѓу градоначалникот на општина Чаир, Висар Ганиу, и aмбасадорот на Велика Британија, Рејчел Галовеј.
Градоначалникот Ганиу ја извести британската амбасадорка за актуелните предизвици во функционирањето на Општината, стратешките приоритети и изрази силна подготвеност за зајакнување на соработката во полза на подобрување на квалитетот на животот на граѓаните, без разлика на нивната етничка и верска припадност преку имплементирање проекти што ги промовираат највисоките принципи на соживот. Амбасадорката изјави дека раката на помошта на Велика Британија за прогресивниот развој на општините во земјата ќе биде секогаш испружена.
По средбата, тие заедно го посетија Основното училиште „Хасан Приштина“, каде што учениците и раководството на училиштето, предводено од директорот Љуљјета Ќерими, со ентузијазам ја пречекаа амбасадорката и сè беше спремно за одржувањето на турнирот во шах како еден од активностите на проектот за иницирање на мултикултурната интеракција помеѓу децата. Градоначалникот на општина Чаир по повод овие активности изјави: „Се чувствувам навистина благодарен што овој проект ги опфаќа токму основните училишта на општина Чаир бидејќи едуцирањето на новите генерации во прозападниот дух и засадувањето на љубовта кон спортот кај нив како област на здравиот физички и психички развој, ќе го оневозможи влијанието на каква било девијатна појава, ќе го поттикне нивното дружење, но и почитта еден кон друг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски на средба со СОНК: Стандардот на вработените ќе го подобруваме преку заеднички дијалог и мерки кои ќе дадат резултати
Претседателот на Владата, Христијан Мицкоски заедно со министрите за финансии Гордана Димитриеска Кочоска, образование и наука Весна Јаневска и економија и труд Бесар Дурмиши остварија средба со раководството на Самостојниот синдикат за образование, наука и култура – СОНК.
На средбата се разговараше за унапредување на работничките права, состојбата во образованието, науката и културата, колективните договори како и состојбата со платите и нашата тенденција тие да растат согласно реалните можности на економијата.
„Стандардот на вработените ќе го подобруваме преку заеднички дијалог и мерки кои ќе дадат резултати. Разговараме за сет одлуки и системски мерки кои ќе бидат одржливи на долг рок. Следуваат добри одлуки“, истакна премиерот Мицкоски.
Македонија
Почнува монтирањето на новиот топловод под мостот „Беласица“
АД ЕСМ и „ЕСМ дистрибуција на топлина“ денес ги почнаа активностите на терен за монтирање на новите цевки на топловодот под мостот „Беласица“.
Поставувањето на топловодот ќе се спроведува во наредните месеци со цел комплетно да биде подготвен за ставање во функција во текот на претстојната грејна сезона.
„Новите раководства на ‘ЕСМ дистрибуција на топлина’ и на АД ЕСМ се соочија со предизвикот да преземат ургентни мерки за надминување на пречките што предизвикаа застој во поставување на цевководот, кој се јави како последица на исклучителната неспособност или незаинтересираност на претходните менаџерски тимови на двете компании“, изјави Петар Милетиќ, новиот директор на „ЕСМ дистрибуција на топлинска енергија“, кој присуствуваше и на почетокот на активностите на терен.
До целосната реализација на зафатот, испораката на топлинска енергија кон централниот дел од градот, како и во изминатата грејна сезона, ќе се врши преку функционалниот крак на примарниот топловод А вклучувајќи ги и количините што ги испорачува ТЕ-ТО. Со тоа и понатаму целосно ќе бидат задоволени потребите на потрошувачите на топлинска енергија, дури и во случај на ниски надворешни температури.
Македонија
Тошковски: Отворен нов регионален К9-центар за обука и сертификација со поддршка од Мисијата на ОБСЕ
Министерот за внатрешни работи Панче Тошковски денеска во Полицискиот центар Ѓорче Петров се обрати на отворањето на регионалниот К9 центар за обука и сертификација.
Отворањето на овој центар,м како што е соопшено е една од најзначајните активности во рамките на проектот „Поддршка на националните власти на РСМ во намалувањето на ризикот од пролиферација и злоупотреба на мало и лесно оружје“, проект што се имплементира со поддршка од страна на Мисијата на ОБСЕ во Скопје.
Тошковски на почетокот ја потенцираше одличната соработка помеѓу Мисијата на ОБСЕ во Скопје и Министерството за внатрешни работи, која е од огромно значење за развивање и спроведување на политиките за современ систем на безбедност.
„Овој регионален центар е многу значаен за Македонија, како од аспект на стратешко делување во рамки на министерството така од аспект и на оперативно делување на полицијата. Со овој комплекс реално ќе се зголеми капацитетот и на спроведување на голем број полициски активности кои се изведуваат со употреба на кучиња. Соработката којашто ја имаме со ОБСЕ е круцијална во подобрување на капацитетите на министерството во сите аспекти и преку големиот број заеднички проекти тој капацитет постојано се унапредува,“, нагласи Тошковски.
Тој истакна дека во претходните фази на овој проект е пренесено значително знаење и опрема кон министерството, како специјализирани возила и приколки наменети за службени кучиња, опрема за обука, возила и специјална опрема за деактивирање на огнено оружје, машина за маркирање и сертификати за деактивација на огнено оружје, како и изготвените документи за оперативни процедури, прирачници, упатства и медиумски кампањи.
„Преку великодушната финансиска поддршка од донаторската заедница, а особено од САД, Германија, Европската Унија, Франција, Белгија, Норвешка и Словачка, Проектот на Мисијата на ОБСЕ во Скопје за МАСО ја покажува нашата силна посветеност кон зајакнување на оперативните и капацитетите за детекција на оружје на полициската единица за кучиња трагачи. Мисијата на ОБСЕ е посветена на континуирана професионализација и развој на полициските единици за кучиња трагачи, фокусирајќи се на детекција на мало и лесно оружје”, рече Сусан Пенкса, заменик-амбасадорка на ОБСЕ Мисијата во Скопје.