Во овој момент во општина Босилово се работи на асфалтирање на 5 улици и тоа улица во село Сарај, улица во село Иловица , со средства обезбедени од Буџетот на Општина Босилово. И улица во Моноспитово, улица во Старо Балдовци, улица во Гечерлија, со средства обезбедени со поддршка на Владата на Република Македонија, вели Ристо Манчев, кандидат за градоначалнк на општина Босилово, од редовите на ВМРО-ДПМНЕ.

„Она што е најважно, покрај овие 5 улици на кои што се работи во моментот, важно е да се спомне дека Општина Босилово има потпишано договори со фирми изведувачи, и во наредниот период ќе бидат асфалтирани уште 13 улици во нашата општина и тоа: улица во Босилово од бетонскиот одводен канал до патот со Радово, потоа улица во Босилово од патот со Радово до Зоки Милев пилот, и трета улица во Босилово од Јоско Лазаров до Шолева Данка.

Најави дека покрај овие три улици, во Босилово ќе се асфалтира и улица во Дрвош, позади училиштето, улица во Петралинци и тоа улицата од мостот кај црквата до патот, спојот со Старо Балдовци.

„Улицата во Еднокуќево ќе се асфалтира исто така, кај Васко Жежов. Потоа улица во Робово кај Павле Пандев. Улица во Моноспитово отпочнувајќи од Славе Мишев до Душко Јованов. Потоа во Моноспитово, од Коцев Драги до Велешанов Мојсеј, и улици во Моноспитово од Ване Паунов.

Продолжуваме со асфалтирање на улица во село Секирник или улицата кај Димо.

Понатаму продолжуваме со асфалтирање во Сарај и тоа улицата кај Каваџи, и улицата кај спортското игралиште, т.е фудбалскиот терен во село Сарај.

Нашата цел е во наредните две години во општина Босилово, да нема ниту една неасфалтирана улица. Секој граѓанин на општина Босилово, заслужува да има пристоен пат до својот дом. Затоа ве повикувам на 19 октомври да излезете и да го дадете својот глас за бројот 9, за да ја направиме општина Босилово пристојно место за живеење за секој еден нејзин граѓанин“.

„И во следниот мандат, граѓанскиот сектор ќе биде активно вклучен во работата и креирањето на политиките на Општината. Работиме транспарентно и инклузивно за Центар што го сакаме,“ истакна градоначалникот на Општина Центар и кандидат за нов мандат, Горан Герасимовски.

Тој нагласи дека граѓанскиот сектор е стратешки партнер на Општината , од подготовка на буџетот до реализација на проекти и услуги за граѓаните.

„Буџетот секоја година го носиме заедно со граѓаните и нивните организации, преку јавни форуми на кои тие предлагаат решенија и проекти,“ додаде Герасимовски.

Општина Центар, како што посочува е првата и единствена општина во државата што на своите граѓани им обезбедува социјални услуги преку здруженијата на граѓани, лиценцирани даватели на услуги.

„Токму така се создадоа услугите за стари лица, бесплатниот превоз за лица со попреченост и услугата Итно копче, кои денес функционираат и даваат реални резултати. Дополнително, Општината им обезбедува простор на невладините организации за работа, обуки и а активности за поддршка на ранливите категории граѓани.

Општината во последниот период разви и три нови услуги: психосоцијален третман и поддршка за жртви на родово засновано и семејно насилство во соработка со ХЕРА; превенција и третман на млади во ризик од злоупотреба на дроги и психосоцијална поддршка во соработка со ХОПС и индивидуализирани услуги за деца со попреченост преку примена на асистивна технологија во соработка со здружението „Отворете ги прозорците“.

Во соработка со Националниот совет за родова рамноправност, Општината обезбедува бесплатна психосоцијална и правна поддршка за повозрасни и социјално загрозени лица.
Партнерството со граѓанските организации се протега и во културниот и младинскиот сектор. Со Сојузот на извидници активно функционира Младинскиот центар „Матично“, а во партнерство со Булфрогс балет и Центарот за современи уметности, Општината ја стави во функција бината во Паркот на Франкофонијата, која стана урбано катче за културни и забавни настани.

Во изминатите четири години, Општината поддржа повеќе од педесет граѓански организации кои реализираа проекти во образованието, детската заштита, заштитата на животната средина и младинскиот активизам“.

„Пред само четири години ВМРО-ДПМНЕ, со Дејан Митески и Тимчо Муцунски, ветуваа дека Аеродром ќе добие 100.000 квадратни метри ново зеленило и нови паркови. Денес, по четири години, нема ниту еден нов парк“, кажа Марина Кусакатска, кандидатка за советник во Советот на општина Аеродром од СДСМ и коалицијата.

„Наместо зелен Аеродром, гледаме пожолтени тревници, неискосени површини, урната урбана опрема и расфрлано ѓубре.

Паркот „Радост“ во Реонски центар – наместо да го завршат уште во првата година – четири години подоцна сè уште не е готов.

Парк кај касарната „Гоце Делчев“ – ветен, но нема ни проект.

Нов парк во Ново Лисиче со содржини за сите возрасти – само празно ветување.

„Паметен систем за наводнување“ – не можат да ги поправат ни старите прскалки.

Паркот „Авионче“ требаше да стане мал луна парк – останува запуштен простор со паркирани возила на тревниците.

Нови паркови за миленици во секој дел од Аеродром – ниту еден не е изграден.

Митески и Муцунски не само што не подигнаа нови паркови, туку ги оставија да пропаднат и оние што беа подигнати претходно.

Аеродром, некогаш најзелената општина во Скопје, денес е симбол на запуштеност и ѓубре на секој чекор.

Затоа прашуваме: Со кое лице Дејан Митески ќе бара втор мандат од граѓаните? Имаат ли Митески, Муцунски барем трошка срам за она што го направија – или подобро речено, не го направија?

Време е да ја вратиме општината во рацете на луѓе што работат. Аеродром заслужува вистински паркови, чист воздух и уредени јавни простори. Заедно со Вас граѓаните ќе се избориме за Аеродром, ќе се избориме за нашиот дом!“, изјави Марина Кусакатска, кандидатка за советник во Советот на општина Аеродром од СДСМ и коалицијата.