Свет
Меркел го отфрли притисокот од САД за провоцирање на руската морнарица
Германската канцеларка, Ангела Меркел, наводно, се спротивставила на притисокот од Вашингтон одбивајќи го предлогот на потпретседателот Мајк Пенс да ги испрати бродовите на германската морнарица кон Крим, пренесува „Старс енд страјпс“, цитирајќи анонимни извори запознаени со ова прашање.
На безбедосната конференција во Минхен на 1 февруари Пенс, наводно, барал германски бродови да отпловат низ теснецот Керч, кој го дели Крим од континентална Русија, за да му покажат на Путин дека западните сили нема да се откажат од пристапот во тие води.
Три километри широкиот теснец Керч е критична точка што Путин се обидува да ја консолидира својата контрола врз полуостровот Крим и источна Украина, пркосејќи им на санкциите од Европската Унија и САД.
Меркел посочила дека е подготвена, во координација со Французите, да испрати конвој низ теснецот како еднократен маневар, но украинскиот претседател Петро Порошенко рекол дека тоа не е доволно за да го реши нивниот проблем – тој сака да осигура трасата да биде отворена трајно.
Франција, исто така, одбила да учествува оценувајќи ја идејата како непотребна провокација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нема струја, водата носи мостови, расте бројот на исчезнати во Швајцарија (ВИДЕО)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.