Свет
Затворената британска Иранка ќе добие дипломатска заштита
![](https://makfax.com.mk/wp-content/uploads/2019/03/08-иранка.jpg)
Затворената Британка со иранско потелко Назанин Захари-Ратклиф ќе добие дипломатска заштита од Велика Британија, рече секретарот за надворешни работи, Џереми Хант. Тоа значи дека случајот сега ќе се третира како формален, правен спор помеѓу двете вклучени држави – Велика Британија и Иран, пренесува Би-би-си.
Назанин Захари-Ратклиф беше осудена пет години затвор во Иран во 2016 година откако беше осудена за шпионажа, обвинение што таа го негира. Хант рече дека овој потег е малку веројатно да биде „волшебно стапче” за нејзино ослободување, но е важен дипломатски чекор.
Тој рече дека со потегот му се покажува на целиот свет дека Назанин е невина и му се дава до знаење на Иран дека неговото однесување е сосема погрешно.
Меѓутоа, Иран одбива да ги признава двојните државјанства, па затоа не го признава правото на Захари-Ратклиф да биде застапувана од Велика Британија.
Дипломатската заштита е ретка законска процедура во меѓународното право. Државите можат да го искористат за да му помогнат на некој од своите државјани чии права биле прекршени во друга земја.
Тоа е многу различно од дипломатскиот имунитет, што им се дава на дипломатите за да се обезбеди нивно безбедно патување и заштита од гонење.
Според дипломатскиот дописник на Би-би-си, нејзиниот нов правен статус нема да го принуди Иран да го промени начинот на кој ја третира, но ќе ѝ овозможи на Британија да го покрене својот случај со поголема леснотија пред меѓународни форуми, како Обединетите нации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес со јачина од 4,3 степени во Бугарија
![](https://makfax.com.mk/wp-content/uploads/2023/08/zemjotres-1.jpg)
Земјотрес со јачина од 4,3 степени според Рихтеровата скала ги погоди Пловдив и Асеновград.
Земјотресот е регистриран во 20 часот и 24 минути, со епицентар на околу 6 километри северно од Асеновград и на околу 16 километри југоисточно од Пловдив, на длабочина од 12,5 километри според последните податоци.
Засега нема информации за материјална штета или повредени лица.
Земјотресот се почувствувал на високите катови во станбените згради во Пловдив и луѓето излегле на улиците, јавува БНР.бг.
Свет
Израел: Наскоро ќе ги постигнеме целите на офанзивата во Рафах
![](https://makfax.com.mk/wp-content/uploads/2024/06/f3a9d984-9628-484f-bebd-f451ecc6e1a2.jpg)
Израелската армија тврди дека наскоро ќе ги постигне целите на својата офанзива во Рафах во јужниот дел на Појасот Газа. Половина од борбените единици на милитантната палестинска организација, која владееше со Газа пред почетокот на војната во октомври, се уништени, соопшти израелската армија.
Помеѓу 60 и 70 отсто од областа на градот во јужниот дел на Појасот Газа е под „оперативна контрола“ на израелската армија, соопшти во понеделникот армијата. Ќе бидат потребни само неколку недели пред да заврши воената операција во градот, се додава.
На почетокот на мај израелската армија започна операција во Рафах, на границата со Египет. Тие изјавија дека целта им е да ги уништат последните борбени единици на Хамас. Офанзивата беше меѓународно контроверзна бидејќи во тоа време повеќе од еден милион Палестинци се засолнија во Рафах.
Повеќето од нив побегнаа таму за да избегаат од војната од другите делови на Појасот Газа. Речиси сите овие луѓе сега побегнаа од градот во областа на запад, каде што им е тешко да дојдат до храна. Според непотврдени воени извештаи во понеделникот, израелската армија убила околу 550 борци на Хамас за 40 дена борби во Рафах, додека изгубила 22 свои војници.
За време на операцијата, тие пронашле широко распространет систем на тунели, како и големо количество оружје и експлозиви. Најмалку 25 подземни тунели наводно ја минуваат границата со Египет. Преземајќи ја контролата врз таканаречениот коридор Филаделфија, тесен појас на земја во Газа долж границата со Египет, Израел во голема мера ја зголеми контролата врз она што влегува и излегува од Газа.
Иако Египет негира, во Газа било јавна тајна дека преку тунелите се шверцувале дневни намирници, како и луксузна стока, за што Хамас наплатувал царина.
Свет
Шефот на агенцијата на ОН: Борбите во Газа и Рафа продолжуваат и покрај израелските најави
![](https://makfax.com.mk/wp-content/uploads/2024/04/izraelska-vojska.jpg)
Борбите во градот Рафа и во јужниот дел на Газа продолжуваат и покрај вчерашната најава на израелската армија за тактички паузи во операциите за да се дозволи влез на хуманитарна помош, изјави денеска во Осло шефот на Агенцијата на Обединетите нации за помош на Палестинците (УНРВА).
Израелскиот премиер Бенјамин Нетанјаху вчера ги критикуваше плановите на армијата да воведува дневни прекини на огнот долж еден од главните патишта до палестинската енклава.
Филипе Лазарини, шеф на УНРВА, сепак, рече дека немало пауза. „Имаше информации дека е донесена таква одлука, но политичкото ниво вели дека таква одлука не е донесена“, рече Лазарини на прес-конференцијата.
„Затоа, засега можам да ви кажам дека борбите во Рафа и на југот на Газа продолжуваат и дека оперативно ништо досега не е променето“, додаде тој.
Израелската војска во понеделникот објави дека нејзините сили ги продолжуваат операциите во областа Рафа, кои вклучуваат тесна борба со милитантите и заплена и уништување оружје.
За викендов, армијата најави дневни паузи од 7 до 18 часот во областа од преминот Керем Шалом на југот на Израел до патот Салах ал-Дин, а потоа и понатаму кон северот. Подоцна појасни дека нормалните операции ќе продолжат во Рафа, главниот фокус на неговите операции во јужниот дел на Газа.