Свет
Кралицата Елизабета за првпат објави фотографии на „Инстаграм“
„Инстаграм“ има нова кралица. Кралицата Елизабета II за првпат објави фотографии на оваа популарна социјална мрежа за да ја одбележи новата изложба во Научниот музеј на Велика Британија.
Today, The Queen has published her first @instagram post on The Royal Family's Instagram channel, to celebrate a visit to the @sciencemuseum
Take a look here https://t.co/fwQKuMiH4H pic.twitter.com/EozHCjqalx— The Royal Family (@RoyalFamily) March 7, 2019
Таа постираше две фотографии од писмо напишано од Charles Babbage „првиот светски компјутерски пионер”, за нејзиниот прапрадедо принцот Алберт во 1842 година, коишто ги видела на изложбата во музејот. Кралицата ги објави фотографиите од нејзиниот ајпад на официјалниот профил на кралското семејство на„Инстаграм“, кој има 4,6 милиони следбеници.
Кралицата Елизабета, 92, го посети Кенсингтон музејот за да го најави новата изложба, наречена Топ сикрет: Од шифри до сајбер-безбедност, која ја истражува употреба на технологијата во националната безбедност во Британија во текот на изминатите 100 години.
„Денеска имав задоволството да научам за иницијативите за кодирање на компјутерите за деца, и ми се чинеше соодветно да го објавам овој пост на ‘Инстаграм’, во Научниот музеј кој се залага за технологија, иновации и е инспирација за следната генерација пронаоѓачи”, напиша кралицата. Нејзината објава имаше повеќе од 20 000 ,,лајка” за само два часа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.