Свет
Финска во шок откако џамијата во Хелсинки била ичкртана со срамни графити

Шиитско-муслиманската џамија „Мелунмаки“ во источниот дел на Хелсинки беше вандализирана не еднаш, туку двапати во една недела со испишување графити на нејзината фасада, што се совпадна со нападите врз исламската религија, објави националниот радиотелевизиски сервис „Иле“.
На два последователни дена минатата недела натписите „силувачи“ и „е** ги исламот“ се појавија на надворешната страна од молитвената сала на хуманитарната организација „Саламат“.
Извршителот на делото, наводно, бил снимен од камерите, но неговото лице е сокриено со качулка, велат официјални лица од заедницата.
„Навистина не сме доживеале вакво нешто порано, но во последниве неколку години ваквите дејства стануваат редовна појава.Понекогаш имаме и два случаи на вандализам во иста недела, како неделава. Нашиот веб-сајт исто така е хакиран, испратени ни се смртни закани, застрашувањата никогаш не завршуваат”, вели Пола Кемел, претседател на одборот на „Ресалат“, најголемата организација на заедницата на шиитите во Финска, изразувајќи надеж за остри мерки против говорот на омраза во Финска.
Бидејќи вандализмот се совпадна со масовното пукање во две џамии во Нов Зеланд, тоа предизвика страдање и страв кај муслиманската заедница во Хелсинки, пишува „Хелсинки тајмс“.
Ѕидовите на џамијата биле исчистени со тимски напор. Освен посетителите на џамијата, и претставници на неколку различни религии се пријавиле да помогнат во чистењето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нов аларм во Грац: само неколку часа по масакрот во училиштето, пристигнаа заканувачки повици

Во вторникот наутро, Грац беше шокиран од веста за масакрот во училиштето, каде што напаѓачот убил 10 лица, а потоа извршил самоубиство, а само неколку часа подоцна имаше нов аларм.
Како што пишува „Кронен“, само неколку часа по масовното убиство во училиштето, имитаторите го искористиле пукањето како изговор за да упатат закани.
Имено, друга гимназија во Грац добила заканувачки повик во вторникот вечерта, изјави Франц Руф, генерален директор за јавна безбедност.
Закана била испратена и до централната станица во Грац во вторникот попладне, пишува „Кронен“ и додава дека истрагите за овие закани се во тек.
Свет
Руски амбасадор: Обновувањето на односите меѓу САД и Русија го забавува „длабоката држава“ во Америка

Разговорот меѓу САД и Русија за решавање на прашањата во нивните билатерални односи ќе биде преместен од Истанбул во Москва, изјави денес за ТАСС новиот руски амбасадор во Вашингтон.
„Сè уште има долг пат за обновување на руско-американските односи“, рече амбасадорот Александар Дарчиев.
Според него, зближувањето со Москва го забавуваат таканаречената „длабока држава“ во САД и антируските „јастреби“ во Конгресот.
„Можам да потврдам дека во блиска иднина во Москва ќе се одржат нови разговори на делегации“, рече Дарчиев.
Војната во Украина предизвика најголеми тензии во односите меѓу Москва и Западот од Студената војна. Искусни дипломати од Москва и Вашингтон изјавија за Ројтерс во 2024 година дека не можат да се сетат дека односите некогаш биле полоши.
Администрацијата на претседателот Доналд Трамп го смета украинскиот конфликт за посредничка „proxy“ војна меѓу САД и Русија. Трамп постојано предупредуваше на ризикот од ескалација на конфликтот во светска војна.
Свет
ЕУ го додаде Монако на листата на земји со висок ризик за перење пари

Европската комисија денес објави дека го додаде Монако на листата на земји со „висок ризик“ во однос на перењето пари, како и дека ги отстрани Обединетите Арапски Емирати од листата.
Европската комисија се согласи со „сивата листа“ на Работната група за финансиски дејствија (FATF), меѓународно тело задолжено за евалуација на активностите на земјите во борбата против перењето пари.
Монако е на нивната листа од 2024 година.