НАТО ја тестира својата способност за брзо распоредување низ Источна Европа – без директна помош од САД – додека Вашингтон го менува својот пристап кон европската одбрана и војната во Украина, пишува „АП“.

Шестнеделната вежба се одржува во Бугарија, Романија и Грција. Во вежбата учествуваат околу 10.000 војници од девет земји, што претставува најголема планирана операција на НАТО оваа година.

Отсуството на американски сили доаѓа во време кога европските земји се обидуваат да ја зголемат својата воена самодоволност поради загриженоста за посветеноста на администрацијата на Трамп за колективна одбрана и нејзините барања за зголемување на европскиот воен буџет, наведува АП.

🇹🇷 TCG Yzb. Güngör Durmuş, TCG Ayvalık and 🇫🇷 FS Capricorne, assigned to #SNMCMG2, conducted mine countermeasures operations during Exercise Steadfast Dart 25.

These operations aim to ensure the safety of maritime routes and strengthen cooperation among allied forces.… pic.twitter.com/I7rIFqit4v

— NATO Maritime Command (@NATO_MARCOM) February 13, 2025

Американскиот претседател Доналд Трамп вчера ја објави својата намера директно да преговара со Русија. Американскиот секретар за одбрана Пит Хегсет, на својата прва средба со колегите од НАТО во Брисел, ги повика европските земји драстично да ги зголемат своите воени трошоци и да преземат „несразмерен дел“ од финансирањето за помош на Украина.

Грчките и шпанските маринци денеска водеа воена демонстрација на амфибиски напад во близина на централниот грчки град Волос, што ја означи првата оперативна употреба на новите Сојузнички сили за реакција (АРФ) на НАТО.

Украина и Европа не смеат да бидат исклучени од идните мировни преговори за ставање крај на војната во Украина, изјави украинскиот министер за надворешни работи Андриј Сибиха во интервју за „Монд“ објавено денеска.

Европските лидери сакаат место на масата во мировните преговори за Украина, откако американскиот претседател Доналд Трамп директно разговараше со рускиот претседател Владимир Путин и им нареди на највисоките американски претставници да започнат разговори за ставање крај на војната во Украина.

„Не можете да зборувате за Украина без Украина, ниту за Европа без Европа“, рече Сибиха.

Доаде дека украинското членство во НАТО е најевтиниот начин трансатлантската алијанса да ја гарантира украинската безбедност и дека не треба да има компромиси кои би му наштетиле на територијалниот интегритет и суверенитет на Украина.

„Ние сакаме сеопфатен договор. Тоа е во интерес на САД. Со лидерството на Трамп, со силна европска посветеност и европско единство, имаме можност да му дадеме нов момент на овој процес. Но, колку што знам, нашите американски сојузници се уште не ги финализирале своите планови“, додаде тој.

„Сите наши сојузници рекоа дека патот на Украина кон НАТО е неповратен. Таа можност е во нашиот устав. Тоа е во наш стратешки интерес“, рече Сибиха.

Путин и Трамп разговараа телефонски повеќе од еден час во средата. Трамп тогаш најави почеток на преговорите и рече дека не е практично Украина да добие членство во НАТО.

Одлуката на Трамп ги шокираше европските престолнини, кои инсистираат да играат централна улога во мировните преговори бидејќи веруваат дека секој договор ќе има последици по нивната безбедност.

Трамп рече дека Путин сака војната да заврши и дека разговарале за постигнување на прекин на огнот во не толку далечна иднина.

„Тој сака да заврши. Не сака прекин, а потоа борбите да продолжат шест месеци подоцна“, им рече Трамп на новинарите во Овалната соба.

„Мислам дека сме на пат кон постигнување мир. Мислам дека претседателот Путин сака мир, претседателот Зеленски сака мир и јас сакам мир. Само сакам да видам како луѓето престануваат да се убиваат“, додаде тој.

Кремљ објави дека Путин и Трамп се договориле да се сретнат и дека Путин го поканил Трамп да ја посети Москва. Трамп рече дека нивниот прв состанок „веројатно“ ќе се одржи наскоро во Саудиска Арабија.

Во објава на својата платформа за социјалните медиуми, Трамп истакна дека државниот секретар Марко Рубио, директорот на ЦИА Џон Ретклиф, советникот за национална безбедност Мајкл Валц и пратеникот за Блискиот Исток Стив Виткоф ќе ги водат преговорите за ставање крај на војната.

Најмалку 20 лица се повредени, од кои некои критично, кога автомобил удрил во нив во германскиот град Минхен, соопшти полицијата.

Сè уште не е јасно дали возачот го направил тоа намерно или се работи за несреќа. Возачот е задржан на местото на настанот и повеќе не претставува опасност, додава полицијата.

Инцидентот се случил на локација каде што синдикатот на транспортните работници организирал демонстрации, јавуваат локалните медиуми. Портпаролот на полицијата за германските медиуми изјави дека истражуваат дали инцидентот е поврзан со демонстрациите.

Градоначалникот на Минхен, Дитер Рајтер, изјави дека меѓу повредените има и деца.

„Длабоко сум шокиран. Моите мисли се со повредените“, изјави тој за локалните медиуми.

Инцидентот се случи неколку часа пред светските лидери, вклучително и украинскиот претседател Володимир Зеленски и американскиот потпретседател Џ. Д. Венс, да пристигнат на Минхенската безбедносна конференција в петок.

Инцидентот се случил на речиси 1,5 километар од местото на безбедносната конференција.

Областа е затворена и на луѓето им е препорачано да го избегнуваат местото на несреќата.