Свет
(Видео) Нетанјаху алудира на нова инвазија на Појасот Газа по ноќта со прекуграничен оган
Израелскиот премиер Бенјамин Нетанјаху изјави дека израелската армија може да почне нова офанзива на Појасот Газа како одговор на ракетните напади на нејзината територија кои се интензивираа во понеделникот предизвикувајќи огромен одмазднички напад од Израел, пренесува РТ.
Нетанјаху, кој требаше да зборува на конференцијата за политички прашања на Американско-израелскиот комитет за односи со јавноста (АИПАК) во вторникот, рано ја заврши својата посета на Вашингтон поради извештаите за ракетниот напад врз Израел од територијата на Појасот Газа контролирана од Хамас.
Качувајќи се на авионот за Израел во понеделникот, Нетанјаху прикриено се закани со целосна инвазија на Појасот Газа.
„Дадовме многу силен одговор и Хамас треба да знае дека нема да се двоумиме да влеземе и да ги преземеме сите неопходни чекори“, рече тој.
Седум лица биле повредени кога една од ракетите удрила во куќа северно од Тел Авив во понеделникот утрото.
Израел почна одмазднички напади врз, како што се тврди, елементи од инфраструктурата на Хамас во Појасот Газа. Израелските одбранбени сили (ИДФ) соопштија дека ја уништиле канцеларијата на лидерот на групата, Исмаил Ханије, како и наводното седиште на военото разузнавање и на службите за внатрешна безбедност.
Part of the Israeli occupation warplanes' targets in #Gaza Strip last night! pic.twitter.com/JBqwgNeIDA
— Quds News Network (@QudsNen) March 26, 2019
Двете страни продолжија да разменуваат оган во текот на денот и ноќта. ИДФ, кој го обвини Хамас за нападот, во понеделникот вечерта изјави дека палестинските милитанти го таргетирале јужниот дел на Израел со десетици ракети.
Според портпаролот на ИДФ, палестинските милитанти истрелале 30-ина ракети кон Израел по 22 часот, токму кога требаше да стапи во сила прекинот на огнот што го договори Египет. Дел од проектилите, наводно, паднале во ненаселени области. Не се пријавени жртви.
Израел не го коментира примирјето постигнато, наводно, со посредство на Египет претходно истиот ден, а портпаролот на Хамас го потврди договорот во изјавата.
Во текот на ноќта израелската војска соопшти дека таргетирала уште 15 цели во северниот дел на Појасот Газа, што ги опиша како засолништа на разни милитантни групи, вклучувајќи ги и милитантите на тврдокорниот исламски џихад во градот Беит Лахија, објави „Хаарец“.
Во меѓувреме палестинските медиуми информира дека израелските напади биле насочени кон неколку станбени области предизвикувајќи пожар во џамијата во Беит Ханун.
Засилувањето на насилството ги врати стравувањата од нова голема војна во Појасот Газа, која се заканува на помалку од две недели пред парламентарните избори во Израел. Портпаролката на израелската армија, Мика Лифшиц, во понеделникот рече дека Израел ќе размести две оклопни и пешадиски бригади на фронтот во Појасот Газа и повика резервни војници.
Последен пат кога израелската војска го нападна Појасот Газа беше во јули 2014 година кога Тел Авив го обвини Хамас за киднапирање и убиство на тројца израелски студенти пронајдени убиени на Западниот Брег. Седумнеделниот упад резултира со повеќе жртви меѓу Палестинците. Според разни процени, биле убиени повеќе од 2.100 Палестинци и 71 Израелци. Илјадници Палестинци беа повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Русија ќе продолжи да работи на формирање мултиполарен светски поредок
Рускиот претседател Владимир Путин изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови.
„Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ.
Тој рече дека Русија била и ќе биде отворена за зајакнување на добрите односи со сите земји.
Русија не го отфрла дијалогот со западните земји, туку дека изборот е нивен, посочи Путин.
„Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја кој не запира со години или бараат начин за соработка и мир“, рече рускиот лидер на церемонијата на инаугурација. .
Рускиот лидер денеска положи заклетва на церемонијата на инаугурација во Големата палата Кремљ и официјално стана претседател на Русија.
Путин ќе остане на функцијата во следните шест години, до 2030 година, пренесува РИА Новости.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.