Свет
Британија смета дека опремата на „Хуавеј“ има безбедносни слабости
Велика Британија јавно ја критикува кинеската „Хуавеј технолоџис“ за неуспехот да ги поправат долготрајните безбедносни пропусти во својата мобилна мрежна опрема и откри нови технички проблеми во меѓувреме, пренесува РТ.
„Хуавеј“ се бори против обвинувањата од Западот дека Пекинг би можел да ја користи нивната технологија за шпионажа.
Одборот предводен од британската влада, кој ја надгледува проверката на опремата на „Хуавеј“ во Велика Британија, во извештајот објавен денеска вели дека континуираните проблеми со развојот на софтверот на компанијата довеле до значително зголемен ризик за операторите во Велика Британија.
Одборот исто така рече дека „Хуавеј” не постигнал никаков напредок во врска со безбедносните пропусти и дека немаат доверба во капацитетот на „Хуавеј“ да ги спроведе предложените мерки за решавање на прикриените дефекти.
Во соопштението од „Хуавеј“ се вели дека дека проблемите идентификувани во извештајот обезбедуваат витален влез за тековната трансформација на нивните софтверски инженерски капацитети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.