Македонија
Деноноќна битка со пожарите – додека едни се гаснат, други избувнуваат на нови локации
![](https://makfax.com.mk/wp-content/uploads/2019/04/56326503_1335482719910335_8844311473283923968_n.jpg)
Ситуацијата со пожарите во земјата е сè уште загрижувачка. И попладнево гори на десетина локации во земјата. Центарот за управување со кризи информира дека до 16 часот има пожари во:
Битолскиот Регион
Пожарот кој почна вчера во атарот на с. Норово кон с. Селце, општина Крушево, е сè уште активен. Гори нискостеблеста дабова шума на површина над 100-150 ха. Пожарот и во текот на денот се шири зафаќајки и мешана нискостеблеста и висока дабова и букова шума. Поради ваквата состојба, во утринските часови беше ангажиран хеликоптер од АРМ. Тој сè уште на терен и го гасне пожарот, а во пладневните часови пристигна уште еден хеликоптер од АРМ и пожарот интензивно се гасне со двата хеликоптера. Приземно интервенираат пожарникари и вработени од ЈП „Македонски шуми“, ШС „Липа“ – Крушево.
На територијата на општина Крушево активен е и пожарот кај с. Јакреново, кој почна во синоќешните часови, каде што гори нискостеблеста дабова шума во површина од 0,5 ха, со тенденција на проширување.
Нов пожар има во атарот на с. Врбоец, општина Крушево. Со пожарот зафатена е дабова и букова шума. На терен е упатена екипа пожарникари и вработени од ЈП „Македонски шуми“, ШС „Липа“ – Крушево, месно население, како и вработени во ЕЛС „Крушево“.
Пожарот во с. Гостиражни, општина Долнени, е сè уште активен. Пожарот е префрлен од велешката општина. Со пожарот е зафатена дабова шума. Во текот на денешниот ден во гаснењето на пожарот интервенираат од ШС „Црн бор“ од Прилеп.
Активен пожар има во атарот на с. Полчиште, Торнева Нива, општина Прилеп, и таму интервенираат од ШС „Црн бор“ од Прилеп. Во моментот гори сува трева и деградирана шума.
Од вчера сè уште е активен шумскиот пожар помеѓу селата Мренога и Вирово, општина Демир Хисар. Со пожарот е зафатена нискостеблеста дабова шума. Во гаснењето на пожарот интервенираат вработени од ШС „Бигла Демир Хисар“ и пожарникари од ТППЕ „Демир Хисар“.
Нов шумски пожар има во атарот на с. Цапари на доста непристапен терен. ТППЕ „Битола“ е на терен.
Скопскиот Регион
Пожарот што почнал на 30.3.2019 година, на место наречено Љуботенски Бачила над с. Љубанци, општина Бутел, е сè уште активен. Со пожарот е зафатена мешана шума и сува трева. Во гаснењето на пожарот во моментот интервенираат од ШС „Караџица“.
Пожарот кај с. Катлановска Сушица, општина Петровец, е ставен под контрола. Во гаснењето на пожарот интервенира екипа од ШС „Караџица“.
Тетовскиот Регион
Пожарот што почна на 27.3.2019 година во атарот на с. Луковица и с. Седларево, општина Желином е ставен под контрола. Гори нискостеблеста шума и сува трева. Во гаснењето на пожарот интервенираат од ШС „Лешница“ од Тетово.
Избувна нов пожар во атарот на с. Долно Јаловце. Со пожарот е зафатена нискостеблеста шума. Во гаснењето на пожарот интервенираат од ШС „Шар“ од Гостивар.
Струмичкиот Регион
Во Струмичкиот Регион активни се 4 пожари на мало растојание помеѓу с. Бајково – с. Бадилен над с. Ново Коњарево, општина Струмица. На терен се излезени од ШС „Беласица“, ЈПКД „Комуна Ново Село“, од ТППЕ „Струмица“, како и вработени од шумската и граничната полиција.
Охридскиот Регион
Пожарот што почна на 28.1.2019 година во атарот на с. Рамне, општина Македонски Брод, е ставен под контрола. Во неговото гаснење интервенираат од ШС „Сандански“ од Македонски Брод, од ЕЛС – Македонски Брод и месното население.
Во општина Струга активен е пожар во атарот на с. Октиси и Белица.
Избувна нов пожар над с. Рамне во близина на фабриката „Сувенир“. Со пожарот загрозена е фабриката „Сувенир“ во Македонски Брод. ТППЕ „Македонски брод“ е на терен и известени е ДЗС, од каде што е побарана интервенција од воздух.
Велешкиот Регион
Пожарот што почна на 29.3.2019 година во с. Црешнево е ставен под контрола. Во гаснењето на пожарот интервенира месното население, кое го контролира теренот.
Пожарот што почна на 30.3.2019 година во атарот на с. Мокрени е сè уште активен во два правца. Едниот спрема с. Габровник и еден спрема с. Богомила. На терен интервенираат од ШС „Бабуна“ од Велес.
Пожарот што почна вчера северозападно од с. Ореше е исто така сè уште активен, а интервенираат од ШС „Бабуна“ од Велес.
Штипскиот Регион
Пожарот што почна на 29.3.2019 година во с. Владимириво, општина Берово, е делумно ставен под контрола. На терен се од ШС „Малешево“ од Берово и луѓе од месното население, кои работат на негово локализирање.
Пожарот што почна на 30.3.2019 година во атарот на село Пресека, општина Кочани, во непосредна близина на манастирот „Св. Богородица“, е под контрола. Со пожарот е зафатена борова шума. На пожарот интервенираат од ШС од Кочани, ТППЕ „Кочани“, МВР ПС Кочани, КЈП „Водовод“ и ЕЛС – Кочани.
Кумановскиот Регион
Нов пожар има во атарот на с. Колицко. Со пожарот е зафатена нискостеблеста дабова шума. Во гаснењето на пожарот интервенирале од ШС „Куманово“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
223 санкции за брзо возење на територијата на Македонија
![](https://makfax.com.mk/wp-content/uploads/2023/10/policija-2.jpg)
Вчера Министерството за внатрешни работи спроведе акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 223 возачи. Од нив 20 возила се движеле со брзина над 50 километри на час повеќе од дозволеното, а осум возила се движеле со дури над 70 километри на час повеќе од дозволената брзина. Притоа, 114 возила ја пречекориле брзината во населено место, а 109 надвор од населено место.
„Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, велат од МВР.
Македонија
Мицкоски најави нова инвестиција со која ќе бидат вработени над 110 граѓани
![](https://makfax.com.mk/wp-content/uploads/2024/06/mickoski-2-1.jpg)
Премиерот Христијан Мицкоски преку социјалната мрежа „Фејсбук“ најави германско-белгиска инвестиција
Станува збор за германската компанија ЕПСОТЕХ која во партнерство со белгиската АИМ ќе инвестира во изградба на нов производствен погон во земјава, за што ќе бидат вложени 20 милиони евра.
– Објектот ќе биде лоциран во општината Петровец, надвор од технолошко-развојните зони и во него ќе се произведуваат елементи од автомобилската, железничката и здравствената индустрија. Со градежни активности се започнува на крајот на август, а за една година се планира вработување на повеќе од 110 наши сограѓани. Toa што е значајно дека дел од инвестицијата е и Центар за истражување и развој што дава голема додадена вредност на истата и ќе значи ангажирање на високо стручни вработувања, напиша Мицкоски на Фејсбук.
Македонија
Изгаснати девет пожари на отворено, во Гевгелија пронајдени неексплодирани гранати, соопшти ЦУК
![](https://makfax.com.mk/wp-content/uploads/2017/08/pozari-3.jpg)
Центарот за управување со кризи (ЦУК) информира дека имало вкупно 1. 975 повици на Единствениот повикувачки број за итни случаи 112 во ЦУК, во последното деноноќие.
Од центраот информираат и за вчерашната конституитивна седница на Управувачкиот комитет за координација и управување со системот за управување со кризи на којашто присуствуваа членовите, министерот за внатрешни работи Панче Тошковски, министерот за надворешни работи и надворешна трговија Тимчо Муцунски, министерот за одбрана Владо Мисајловски и министерот за здравство Арбен Таравари, како и раководителот на Група за процена на ризици и опасности и директор на ЦУК, Стојанче Ангелов. На седницата присуствуваше и министерот за земјоделство, шумарство и водостопанство Цветан Трипуновски. Со седницата раководеше министерот за внатрешни работи, Панче Тошковски.
Директорот на ЦУК и раководител на групата за процена, Стојанче Ангелов, ги запозна присутните со прогласената, популарано именувана, „мигрантска“ кризна состојба на јужната и северната граница, како и кризната состојба во КПУ „Идризово“. Воедно, Ангелов, даде детална информација за бројот на пожари на отворен простор, штетите од пожарите, начинот на функционирање на системот за гаснење на пожарите како и за ресурси што се на располагање за гаснење пожари на отворено. Инаку, вицепремиерот и министер за транспорт и врски, Александар Николоски, заради неодложни обврски не присуствуваше на седницата.
Вчера имаше девет пожари на отворено, сите се изгаснати од пожарникарите и активни пожари утрово нема. Пожарите на отворено биле во општините: Општина Гази Баба, ул.Зендел Џемаил (горело ѓубре); Карпош, покрај ул.„Скупи“ (горело ѓубре и сува трева); Арачиново, крај стариот пат за Арачиново (сува трева и грмушки); Сарај, с.Копаница (стрниште); Битола, с.Габалавци (ѓубриште); Струга, во реон кон ГП „Ќафасан“ (ѓубриште); Свети Николе, кај с.Горобинци (изгореле грмушки и сува трева, нискостеблеста шума и помошен објект); Општина Кочани, кај с.Облешево (стрниште) и во Општина Куманово, кај населбата „Диво Насеље“ (горела сува трева).
Регионалниот ЦУК Струмица, известува дека преку Единствениот повикувачки број за итни случаи 112 во ЦУК, била добиена дојава за пронајдени стари неексплодирани убојни средства (НУС), кај с.Моин, Општина Гевгелија, во близина на границата со Република Грција, и веднаш е известен пиротехничар од ДЗС Струмица за безбедно да се отстранат опасните стари неексплодирани убојни средства. Се препорачува на граѓаните кога ќе најдат НУС од минатите војни, да не ги фаќаат и поместуваат, туку едноставно да се јават на 112 во ЦУК за нивно безбедно неутрализирање според стандардни оперативни постапки.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.