Македонија
МОН ги повлече решенијата со кои претходно ги врати старите директори во гостиварските училишта

Министерството за образование и наука соопшти дека ги повлекува решенијата за враќање на директорите на училиштата во Гостивар на работните позиции, од кои, како што велат, биле разрешени на незаконски начин. Одлуката за повлекувањето доаѓа еден ден по прес-конференцијата на општина Гостивар, од каде обвинија дека во ек на кампања, Министерството ги вратило старите директори.
Од МОН велат дека повлекувањето на директорите произлегло од одлуката на Државната комисија за одлучување во управна постапка и постапка од работен однос во втор степен коишто го диктирале токму тоа, директорите кои се разрешени на незаконски начин во училиштата во Гостивар, да се вратат на нивните работни позиции.
„Повлекувањето на одлуките на МОН се потпира на целта, заложбите и максималниот ангажман изборниот процес да се одвива на најдобар можен начин, во мирна и коректна атмосфера, со цел да се избегне секое алиби и обид за ставање дамка на овој многу значаен процес за општеството и земјата. Оваа одлука на Министерството за образование и наука доаѓа без оглед на фактот што се работи за една чиста правна ситуација во која се констатирани прекршувања на законот од страна на градоначалникот на Гостивар. Како Министерството за образование и наука, така и градоначалникот на општина Гостивар, се обврзани целосно да ја почитуваат одлуката на Државната комисија за одлучување во управна постапка и постапка од работен однос во втор степен и да постапуваат согласно истата“, велат од Министерството за образование.
Претходно на градоначалникот на Гостивар, Арбен Таравари кој е од „Алијансата за Албанците“ му беа одземени ингеренциите во образованието поради, како што тврди МОН, констатирани нерегуларности и непочитување на законите. Аслиан Снопче, која е одговорна за образование во општина Гостивар вчера рече дека среде предизборна кампања министерот за образование од ДУИ, Арбер Адеми, разрешува директори именувани од страна на градоначалникот и наместо нив ги именува старите партиски директори. Таа најави дека ќе достават соодветна документација до антикорупциската комисија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Tigo.mk ја започна својата најголема наградна игра досега: Нов Chery TIGGO 4 PRO, патување од соништата и парични награди

Со кампањата „За сè што е важно“, Тиго повторно покажува дека е лидер во доверба, иновација и грижа за клиентите, потврдувајќи дека клиентите не се само бројки, туку инспирација. Со оваа наградна игра, компанијата покажува дека секој избор е важен, и дека Tigo.mk секогаш е тука за да го поддржи секој следен чекор на своите клиенти.
Tigo.mk ја започна својата најголема наградна игра досега – проект што ја спојува маркетинг кампањата „За сè што е важно“ со можноста клиентите да освојат навистина вредни награди. Наградната игра е замислена како благодарност за довербата што илјадници клиенти ја укажуваат на Tigo.mk, но и како поттик да се направи следниот чекор – со сигурност и вистинска поддршка. Иако на самите почетоци, наградната игра веќе предизвикува одличен интерес кај граѓаните, за што сведочат и бројните посети во Tigo.mk филијалите и повиците во контакт центарот 13 700.
Имено, секој нов или повторен клиент кој ќе аплицира за кредит во износ над 10.000 ден. во периодот од 1 октомври 2025г. до 29 јануари 2026 г. автоматски учествува во извлекувањето и станува потенцијален добитник на некоја од вредните награди:
· 8 парични награди, во поединечна вредност од 10.000 денари,
· 1 ваучер за патување во вредност од 2.000 евра
· и главната награда – нов автомобил Chery TIGGO 4 PRO Comfort.
Шансите за добивка се зголемуваат со зголемувањето на износот на кредитот, односно, секој нареден износ од 10.000 ден. над првите 10.000 ден. од кредитот претставуваат дополнителна шанса за добивка. На пример, за кредит од 200.000 денари, клиентот учествува 20 пати во извлекувањето на награда.
Извлекувањето на наградите ќе се одвива со следната динамика
· 15 ноември 2025 г. – кога ќе бидат извлечени 8-те добитници на парични награди
· 15 декември 2025 г. – кога ќе биде извлечен добитникот на ваучер за патување по избор на клиентот, во износ од 2.000 евра
· 30 јануари 2026 г. – големото финале и извлекување на автомобилот Chery TIGGO 4 PRO Comfort
Кампањата „За сè што е важно“ ја зајакнува блискоста со клиентите и носи конзистентен визуелен идентитет и препознатлива порака. Реакциите на клиентите покажуваат дека Tigo.mk останува бренд што го гради својот успех на доверба, транспарентност и вистинска грижа за секој клиент.
За сè што е важно. Tigo.mk – секогаш со тебе. Повеќе информации за наградната игра и правилата се достапни на следниот линк>>>. Повеќе информации за Tigo.mk се достапни на веб страницата www.tigo.mk, во било која Tigo.mk филијала или на телефонскиот број 13 700.
ПР
Македонија
Ви-фи зони во Чаршијата, обнова на дуќаните со буџетски средства и школи за занаети, вети Шукова

Кандидатката за градоначалничка на Скопје од СДСМ, Каја Шукова на Скопје ќе му ја враќа Чаршија со низа проекти. Ви – фи зони, обнова на дуќаните и отворање школи за занаети и мајсторски работилници се дел од ветувањата.
„Старата скопска чаршија е душата на Скопје. Денес Чаршијата е задушена од нечистотија, административен хаос и институционална негрижа, но таму каде што другите гледаат проблем, јас гледам можност. Нашиот план е јасен, визијата е конкретна – да ја вратиме Чарпијата на скопјани. Имаме решение за Чаршијата – секојдневно чистење, нова урбана опрема, јавно осветлување и ви-фи зони со почит кон автентичниот изглед. Имаме во план поддршка за дуќанџиите и занаетчиите со буџетски средства за реконструкција на дуќани со правна и финансиска помош, со отворени школи за занаетчии и мајсторски работилници. Нашата цел е Чаршијата конечно да добие еден центар за управување под целосна надлежност на Град Скопје без лавиринти меѓу институции туку ефикасна, брз и транспарентна администрација за сите што живеат и работат таму“, рече Шукова.
За културата и уметноста таа најави посебни проекти.
„Културата ќе добие вистински дом. Реновирање на Сули Ан, поддршка за студентите по ликовна уметност, отворање на арт – атељеа и културни програми. Уметноста не смее да живее во распаднати ѕидови. Исто така имаме план за развивање дигитална платформа за туристи и јазични обележја, подобрена пешачка структура и европски културни рути затоа што Чаршијата мора да привлекува туристи, да живее и да расте“, вели Шукова.
Сите проекти што ги наброја кандидатката за градоначалничка на Скопје вели дека не се само уште едно ветување туку визија што ја враќа Чаршијата како живо срце на Скопје.
Македонија
(Видео) Лукровски: Целосна дигитализација на услугите за искоренување на корупцијата и почит кон времето и довербата на секој карпошанец

Најавуваме целосна дигитализација на Општината за искоренување на корупцијата. Најскапиот документ не е оној што се плаќа, туку оној што се чека. Оној за кој не знаеш дали воопшто ќе го добиеш, велинСотир Лукровски, кандидат за градоначалник на општина Карпош од ВМРО-ДПМНЕ.
Во 2025 година, граѓанинот, додава тој, не смее да стои во ред само за печат.
„Да бара врски, во шалтери, да се додворува да заврши работа.
Општината повеќе не смее да биде зграда во која влегуваш со нервоза, а излегуваш со даден поткуп.
Таа пракса, драги мои карпошани ќе заврши.
Од првиот ден на моето управување ќе го искоренам чекањето, провизиите и рушветот, преку целосна дигитализација на сите општински процеси.
Општината мора да стане услуга до која ќе стигнеш од еден телефон, во било кое време и од било кое место. Нема повеќе враќање на шалтер, нема повеќе не е ова наша работа.
Јас нема да барам граѓаните да доаѓаат кај мене, туку општината да оди кај нив преку технологијата.
Ќе воведам апликација, каква што има секоја нормална, европска општина преку која ќе можеш со два клика, со матичен број и адреса, да поднесеш барање, да добиеш број и во секое време да го следиш статусот на решавање“.
Тоа, како што појасни одамна постои во светот, но кај нас не се воведува од добро познати причини.
„Затоа што кога има ред нема простор за корупција.
Ќе воспоставам прозорец за брзи услуги преку кој граѓаните веднаш ќе ги добиваат своите документи без зависност од расположението, или волјата на шалтерскиот работник.
Процесот ќе биде автоматизиран и целосно транспарентен.
Мојата цел е едноставна, една апликација за сите општински услуги.
Но дигитализацијата не е само екран и апликации, таа мора да донесе внатрешна дисциплина и одговорност.
Ќе воведам следење на секое барање. Кој службеник го примил, кој го одработил и за колку време го обработил.
Секој што ќе ја заврши работата навреме, или пред дадениот рок ќе биде награден, а оној што ја кочи постапката ќе мора да биде санкциониран.
Граѓанинот и јас ќе добиваме аларм кога предметот стои предолго“.
Според него, нема повеќе скриена одговорност.
„Се ќе биде видливо, мерливо и транспарентно.
Така функционира реалниот сектор од каде доаѓам.
Така ќе функционира и општина Карпош.
За оние што немаат пристап до технологија, ќе воведам дигитални советници во општината. Обучени лица што ќе им помогнат на граѓаните да ги поднесат граѓаните. Никој нема да биде исклучен.
Мојата визија е Карпош да остане општина без изговори и без поткуп. Кога граѓанинот ќе може да реши проблем со два клика, тогаш ќе знаеме дека живееме во модерна општина, со чесна управа.